日本成人遊戲開發商Lump of Sugar喺2009年推出作品《遊魂 -Kiss on my Deity-》，憑住萌爆女角、戀愛元素同香艷情節而大受歡迎。作為人氣作品，試問又點可以畀佢停呢？開發商宣布即將推出續集《遊魂2 -you're the only one-》，故事承接前作，被封印喺葦原町嘅太轉依已經過咗50年，喺呢段期間人類過住同太轉依並存嘅生活，男主角草壁空所居住嘅鷹千帆市矢古民町係全國最能聚集優質神氣嘅地方，市政府為咗令人同太轉依共存關係，故此注入大量力量，卻因此而引發出連串事件。有日矢古民町出現一個頭上有對耳朵嘅美少女泉戶，大家自稱佢係太轉依嘅化身，於是將佢帶到祭祀太轉依嘅八衢神社，點知佢突然對草壁空表示要做對方嘅老婆。原來太轉依化成人形尋找另一半，就係咁樣草壁空要同呢位美少女共同生活。