如果你仲以為現今內地嘅寫真模特兒只係靠個樣同身材，加上肯行性感就可以上位，咁就真係大錯特錯！事關想喺競爭激烈寫真界中生存，除咗要有標致嘅外形，仲要擁有其他技能，先至可以站穩陣腳，好似劉美辰天生擁有火辣身材，仲係一位專業級演員。
現年23歲來自北京嘅劉美辰，英文名Candy，花名叫Candy三美，究竟係邊三美呢？雖然佢冇解釋，但有網民就話三美應該係指樣子美、身材美同愛臭美，所謂臭美嘅意思即係自誇咁解。當然，呢啲不過係講笑而已，但係唔可以否認阿妹憑住出眾嘅外在條件，確實有自誇嘅本錢，37、25、35嘅三圍數字，不論從邊個角度睇都屬魔鬼身材級數，加上迷人嘅五官，自戀又有乜嘢問題呢？曾經打入沿海校花大賽16強嘅美辰，不但已經證明佢嘅外形有幾咁迷人，其後佢喺全國平面模特兒大賽中獲得新秀獎，呢個成績充分證明佢有資格同實力成為寫真模特兒。
當佢推出首輯寫真作品，即被粉絲封為女神，皆因佢唔介意作極限性感演出，挑戰大家嘅視覺神經。除咗喺寫真界人氣暴升外，佢亦以平面模特兒嘅身份，喺各種平面媒體上登場，包括潮流、時裝、化妝、汽車等。不過呢啲都唔算厲害，原來畢業於著名高等學府北京電影學院嘅佢，係一位專業嘅演員，經過長期嚴格訓練，演技有番咁上下，難怪獲得唔少拍戲機會。
作為一位擁有高顏值、高質素外形同埋高學歷嘅三高索女，唔知美辰嘅擇偶條件係點呢？喺聽佢講之前，大家先要了解一下阿妹嘅性格。通常模特兒自我介紹時，總會將自己包裝得好純情，但喺現實中卻係狂野開放，而美辰則坦言自己係一個鹹濕女仔，咁坦白嘅靚女真係好少見。講番佢嘅擇偶條件，唔通要同佢一樣鹹鹹濕濕？答案係完全相反，佢表示：「我將來的老公不一定要大富大貴，但一定要熱愛生活及通情達理。」如果覺得唔夠具體嘅話，佢再補充話：「例如我喝酒了，發了訊息給三個男人，第一個說『沒事吧，少喝點，早點回去。』第二個說『不要緊吧，需要我送你回家嗎？』令我頓時感覺暖多了，可遲遲不見第三個回覆，就在失望準備打車回家時，收到第三位的短訊，只有短短幾個字『出來，我在飯店門口等你。』珍惜身邊人，就像第三位一樣的人！」從中大家可以明白呢位外冷內熱嘅索女，其實好希望搵到個既體貼又踏實，兼且懂得體諒嘅男士，唔知呢種男人難唔難搵呢？
簡介：劉美辰擁有迷人嘅樣貌及玲瓏浮凸嘅火辣身材，絕對係男士心目中嘅女神。如果想知更多女神嘅一舉一動，就要去佢嘅微博睇睇，事關可以睇到佢嘅生活點滴。
網址：http://weibo.com/u/1815782787?is_hot=1
出生地：北京
身 高：168cm
三 圍：37、25、35
撰文：魂