雖然成人遊戲最重要都係睇鹽花場面，但係故事太過乏味嘅話，縱然情慾場面有幾咁鹹都冇用，唔會令人有玩落去嘅動力。不過呢個問題卻唔會喺日本成人遊戲開發商YUZU-SOFT出現，皆因佢擅長製作戀愛情慾作品，對故事嘅描繪同營造氣氛別出心裁，最新推出嘅戀愛加動作作品《千戀萬花》，大家絕對唔可以錯過。
故事發生喺一個位於深山之中名為穗織嘅小鎮，由於遠離文明關係，成為文化獨特嘅溫泉景區，而鎮內有一把任何人都拔唔出嘅遠古石中神刀「叢雨丸」，吸引唔少遊人嚟挑戰拔刀。有日嚟到呢度旅行嘅男主角將臣，喺嘗試拔刀時竟然意外將神刀折斷，因此要承擔毀刀嘅後果，就係要同神社中嘅巫女姬朝武芳乃結緍。不過，最令將臣困擾嘅係神刀「叢雨丸」會不停帶領佢發掘鎮內不為人知嘅秘密，於是將臣夥同芳乃及一眾巫女出發尋找真相。
開發商：YUZU-SOFT
售價：約HK$616
發售日期：7月29日
撰文：魂