最近日本警方公布一個有關2015年非禮案件嘅數字，位於日本關西地區嘅大阪連續6年稱冠。雖然話男追女隔重山，但係好多時都應該由男仔做主動，接吻亦係一樣，之不過調查顯示好多男仔都希望由女方主動獻吻。男人要保持性機能其實好簡單，有專家提供兩款四圍都買得到嘅食物畀大家參考。
最近大台有個旅遊節目頗受歡迎，除咗因為女主持有其獨特個人風格之外，所介紹嘅地方正係港人最鍾意去嘅日本，今次佢就集中游走於關西地區，包括大阪、京都等地。之不過，近期由日本警方公開嘅一個數字，就顯示出女士們去到大阪要特別注意人身安全。呢個數字同當地嘅非禮個案有關，根據警方消息指出，大阪喺2015年發生嘅非禮案件達到1,084宗，雖然比2014年嘅1,189宗少咗，但係亦已經令大阪稱冠於日本全國各地喇！至於同樣係旅遊勝地嘅東京喺上年嘅非禮個案數字排全國第二，有808宗咁多。而以上嘅非禮個案，接近8成受害者都係十幾至二十幾歲嘅女性，各位年輕美人兒下次去大阪旅遊，要多加注意，又或者選擇結伴同遊喇。
霍金都話過，女人係宇宙最大嘅謎團，相信絕大部分嘅男人都心領神會，因為女人實在太難捉摸喇。例如，同女仔出街食飯，女仔叫你諗個提議，你左思右想終於諗到一間唔錯嘅食店，之但係女仔會話：「上次食過喇！第二間啦。」你又再苦思諗出幾間食店，卻又會畀女仔彈三彈四，最後送上一句：「冇鬼用！早就話去呢間食㗎啦。」其實佢一早決定咗咪講出嚟囉，使乜搞咁多嘢吖！呢個例子話畀女仔知，如果想大家好過啲，不如作出主動，而呢個亦係男士們心中所想。日本一個調查訪問咗多位男士，問及佢哋第一次接吻希望邊一個做主動，結果9成受訪男士都表示女仔做主動錫錫最好，點解要假手於女仔呢？因為唔少男仔都表示曾經試過主動接吻而被女仔推開，繼而被標籤為鹹濕佬，所以都係女仔做主動好啲喇！斷估男仔唔會嫌女仔鹹濕啩！
西方人嘅文化同我哋中國人有好多不同之處，例如中醫就話有病要戒口，但係西醫就冇呢家嘢。最近美國性學專家Asandra博士為大家提供嘅助性食譜亦有分別，博士話根據統計顯示，美國有接近3,300個男人患上勃起功能障礙，當中39%為四十來歲嘅年齡層，佢話情況嚴重的話梗係要睇醫生根治問題啦。不過，博士表示食士多啤梨可以增強性功能，因為呢種含黃酮嘅水果降低患上不舉嘅機會，亦令命根勃起時更硬朗。另外，博士仲話食雞肉有益，因為雞肉同生蠔都係人體吸收鋅嘅來源。而綠葉菜類含有硝酸鹽，亦增加流向命根嘅血液流量。不過，博士話以上食物唔係即時見功，要Keep住食至有效。
撰文：賢