毫無疑問自己屋企乃係最理想嘅床戰場地，一個調查顯示最多英國人鍾意開戰區域係自己嘅睡房，不過有部分人竟然選擇喺父母張床開波，離譜！做生意要北望神州，講到玩一樣要北上，最近廣州一個水上樂園請來一班比堅尼美女玩水，夠晒吸引！食物嘅氣味可以勾起大家嘅食欲，而香味亦可以勾起男人嘅性慾。
我小時候有午睡習慣，但通常都唔會瞓自己張床仔，而係走上阿爸阿媽張床瞓，貪張床夠大可以碌來碌去甚愉快，當然我家陣男人老狗就唔再咁做啦。之不過，外國有調查表示唔少英國人鍾意喺父母張床搞嘢喎！呢個調查訪問咗約1,000名成年男女，問及佢哋嘅床戰習慣，有66%受訪者表示佢哋會喺床戰中轉換至少兩至三個姿勢，而大部分受訪者都鍾意喺屋企開戰。至於最鍾意嘅性戰地方喺邊度呢？第一位係自己睡房，第二位係梳化，而浴室就排第三位。然而，當中有12%表示會揀阿爸阿媽張床同伴侶開戰，相信呢班應該係後生仔女居多，貪父母張床夠大夠寬敞，轉多幾個花式都冇問題，但係玩完記住要收拾乾淨呀！
內地嘅主題樂園相當多，由於地方夠大，樂園特別巨型同大規模，香港嘅主題樂園相比之下只係小巫見大巫。此外，搞活動亦特別大陣仗，早前廣州一個大型水上樂園舉行第9屆萬人比堅尼活動，請來數千名比堅尼女郎到場玩水，主辦單位安排佢哋分為5組，每組分別穿上黃、紅、藍、綠及黑色比堅尼，由於今年係奧運年，喺玩水之前佢哋先擺出五環造型，雖然咁多女仔冇玩分組競技，但係個個都身材不俗又後生，淨係睇見佢哋走來走去、波濤「胸」湧已經令人賞心悅目啦！
小弟個鼻有狗公鼻之稱，皆因我嘅嗅覺特別靈敏，只要空氣中瀰漫住少少香味，我就會有所反應，例如我聞到薰衣草香水味就知道老友阿雄嘅女友嚟到。其實，人類嘅嗅覺即使冇動物咁靈敏，亦有好大作用，其中一個重要作用就係令我哋嘅大腦留下記憶，如果想催情亦可以從嗅覺着手。早前日本L字頭化妝品牌就引述一個研究，話92%嘅男人會因為嗅覺而產生生理反應，仲話男人嘅嗅覺神經，一聞到香味，只需要0.2秒就可以將訊息傳到大腦，換句話說如果女士身體散發出足夠嘅費洛蒙呢種外激素，要撻着男人就好容易，坊間可以搵到含有費洛蒙嘅香水，女士們不妨一試。
撰文：賢