要睇一位漫畫家夠唔夠人氣，最簡單嘅方法就係睇吓佢嘅作品銷量，若然能夠賣到超過100萬本嘅話，相信點睇都屬於超人氣。不過大家又知唔知道，喺日本成人漫畫界中，同樣有位作品銷售量突破百萬嘅漫畫家呢？佢就係伊駒一平，代表作為《巨乳與貧乳》。
早喺1989年投身成人漫畫界嘅伊駒一平，當年以筆名Keiichi推出首本作品《告訴我老師！》，其後喺多本成人漫畫刊物連載作品至今，屈指一算，佢喺成人漫畫界打滾咗27年，絕對係一位資歷深厚嘅成漫家！雖然有人話佢嘅畫功唔算十分出色，但係勝在節奏明快，角色同題材更係多元化，從人妻、水手服少女到OL，又從偷食、三角關係到偷窺等題材乜都有，包括《爆菊BOX》、《Honey Pot》、《LOVE ADDICT 》、《F!》、《全部是人妻！》、《私立藤澤學園》、《嗚呼！年上之女》、《閒置玩具‧有紀》、《先天性奴》等。及至2002年，佢嘅單行本作品總銷售量突破100萬本，足證佢嘅實力同人氣非凡。
兼任成人小說創作嘅佢，於1998年到2000年期間，推出多套成人動畫，當中包括有《山科女運記 鏡樹里亞》、《GO GO NOBODY！！水島彩香》、《無人理會美女 速見香織》同埋《深入女子高生 廣末奈緒》等。2009年為慶祝出道20周年，佢同SOD Create合作推出紀念作品《藝能人 板桓梓 少女的性慾中出～青春塗鴉日記～》，成績理想。
作為一位資深嘅成漫家，伊駒一平嘅人氣作品相當多，而代表作則係《巨乳與貧乳》，當中收錄咗曾經喺成人漫畫月刊《COMIC MEGA H》同《COMIC姬盜人》中刊載嘅作品，包括《海女沙繪小姐》、《我喜歡的是鄰居阿姨》、《學生會室的蜜音》、《人妻貴和子的心中人》、《加奈跟ＯＯ做了》、《母娘人生 強暴》、《小啦的～小啦》、《學園的蟲螻 番外篇》、《青春淫亂日記‧AV發售紀念篇》及《女醫‧童貞榨取》合共10個單元故事，而最印象深刻嘅故事，係《我喜歡的是鄰居阿姨》及《青春淫亂日記‧AV發售紀念篇》。
《我喜歡的是鄰居阿姨》講述熟女葉月同老公離婚後，搬到公寓居住，從此成為正樹嘅鄰居，由於葉月比正樹年紀大一截，故此正樹叫葉月做阿姨。正所謂近水樓台，長久嘅相處令正樹同葉月慢慢熟落起來，正樹更被葉月所吸引。有日正樹走去搵葉月，卻估唔到女方主動擒住佢，仲話已經5年冇性生活，正樹亦好想將自己嘅第一次獻畀葉月，最後兩人嘅關係究竟會發展成點呢？
《青春淫亂日記‧AV發售紀念篇》中嘅18歲男主角森元，本身係暢銷BL（Boys' Love嘅縮寫，指男性間戀愛為題材嘅一種漫畫類型）女漫畫家嘅助手。呢位人氣女漫畫家原來有個特殊癖好，就係每當通宵趕起畫稿後，最愛同森元打場友誼波，更愛玩弄對方嘅後花園！呢日趕完畫稿後，女漫畫家提議兩人一齊沖涼，好讓佢等陣好好玩弄菊花。為免後花園再次被襲，森元先下手為強，向女漫畫家施以舌頭襲擊，喺森元嘅挑逗下，女漫畫家高潮迭起，並且激發一輪激烈床戰。激情過後，女漫畫家表示對森元跟前女友嘅性愛史好有興趣，當森元講完性愛史後，以為對方會有所表示，卻估唔到對方嘅反應係意料之外。
作者：伊駒一平
出版：CORE MAGAZINE
頁數：180頁
撰文：魂