幾時都話做香港人最慘，你睇真人騷最多咪睇人哋去旅行，但喺美國，原來連脫星都可以做真人騷節目，講緊唔係職業脫星，而係有志投身四仔界男女，佢哋唔介意喺電視前全裸兼埋身肉搏，事關勝出嘅參加者，除獲得四仔廠合約，仲可以獨得100萬美元獎金，差唔多八百萬港紙，等開騷喇喂！
脫星真人騷節目叫《The Sex Factor》，於美國洛杉磯時間5月7日晚上8時正（香港時間5月8日早上11時），8男8女參賽者就會聯同多位一線脫星評判，包括女神Tori Black、Remy LaCroix、Lexi Belle及男優兼導演Keiran Lee現身荷里活Lure Nightclub，為呢個真人騷盛事揭幕，查實真人騷早喺2014年底已構思好，但有消息話內容一改再改，而且要從過萬位參賽者中挑選有質素男女參加，所以搞到2015年中先開始拍攝，當時《時代雜誌》、《每日郵報》、《New York Post》及《ABC Nightline》都有報道，而成人新聞網更表示勝出嘅參加者可以同杜克大學（Duke University）脫星Belle Knox床上執劑添！雖則呢一年Belle妹人氣大不如前，但當時佢拍四仔交學費，的確震驚整個美國o架！而消息亦得到當事人確認，Belle妹仲話非常期待同新人合作，仲有可靠消息話Belle妹會擔任真人騷主持，可惜拖咗咁耐，都唔知最後出街版本係邊個喇！網友就話改由亞裔脫星Asa Akira頂上，聽聞係8男8女都冇一個係黃種人，大會想平衡啲喎！邊個都好，總之除咗先前講嘅脫星評審，官方話仲有一大班技術顧問會陸續出場，有份入場嘅可以睇得清清楚楚，但亞洲四仔迷一樣可以上官方網站了解！
講開官方網真係火都嚟埋，擁有真人騷版權嘅xHamster.com，由製片人Buddy Ruben對傳媒話要搞個《American Next Top Model》「成人版」以來，官網從未有更新過，而官方社交網都係得啖笑，只得幾張男女真人騷參賽者出席性博覽會相，以及拍攝現場相，故作神秘至今都唔肯公開參加者資料，細佬只能從當地傳媒得知《The Sex Factor》真人騷共10集，官方強調參賽者絕非「業餘愛好者」，佢哋質素、體能甚至技術都拍得住職業脫星，只不過唔識喺鏡頭前表現自己，所以由評審設定挑戰賽，8男8女除要拍大量愛情動作片，仲玩埋勾心鬥角踢參賽者出局，聽落淫亂兼陰毒喎！業界就話真人騷打破四仔常規，將色情帶入屋，真係勁勁勁，但未知網友係咪等得太耐唔多Like，有網友話爭奪100萬美元獎金真係得啖笑，假如未正式入行已贏咗咁多錢，咁仲使乜做脫星喎！亦有人反問筆獎金係唔係分十年發放？另外係咪要參賽者自己投保100萬美元肉棒保險？因為呢啲生死鬥通常好多意外發生！外界反應咁一般，睇嚟《The Sex Factor》唔快啲上畫，到時可能請都冇人睇囉！
網址：http://sexfactor.com/
撰文：祖