今日同大家講吓歷史，深受港男愛戴嘅日本AV到底係邊一年出現呢？答案係1981年，而第一部AV就係由日本錄影影像公司製作嘅《偷窺奧秘》。換句話說，日本AV已經面世35年咁耐喇。咁又有冇AV廠一路陪住AV界走到今時今日呢？只有一間！佢就係最近慶祝成立35周年嘅宇宙企劃，慶祝嘅同時，廠方更為大家送上號稱為宇宙企劃35年來最索嘅美少女添！
日本AV界競爭激烈，以現時嚟講，AV界可以分為4大重要勢力，最大嘅梗係龍頭企業北都集團，佢除咗擁有S1、Moodyz、Ideapocket等一線AV廠，廠內嘅專屬陣容有吉澤明步、Julia、花蕾等等賣座力超強嘅人氣女優。其餘幾個勢力仲有SOD、Prestige及KMP。提到KMP，早前佢就同宇宙企劃合併因而促使集團實力得以提升，故可躋身為四大勢力之一。提到宇宙企劃，呢間可以話係現時最古老嘅AV廠，成立年份為1981年，即係同日本AV正式面世嘅年份相同。最近，宇企為慶祝35周年，開始一連串活動，最為人留意嘅一定係5月嘅重點新人柚木彩花喇！宇企聲稱呢位18歲女優係廠方35年來最強嘅專屬女優，氣質清純可愛，身材亦算係雪白婀娜，喺演出上亦掌握得恰到好處，將AV演出帶回日本AV最吸引到觀眾嘅時代，不過話佢係廠方有史以來最強女優我就唔認同，因為歷史悠久嘅宇企歷來人才輩出，更加有好多令人懷念至今嘅經典女優！
宇企成立咗咁多年，一直都好懂得發掘優質女優嚟滿足AV迷嘅需要，歷來有咩女優咁犀利呀？講出嚟大家就算未睇過亦一定會聽過佢哋嘅大名！出身自宇企嘅女優包括小森愛、有賀美穗、有川真生等，仲有曾經訪港引起一陣哄動嘅小澤圓、金澤文子。近十年宇企亦拉攏過唔少經典女優加盟，好似元祖級小惡魔系女優月野莉莎同成瀨心美等。除咗佢哋，小倉愛麗絲呢位蘿莉系AV女優始祖亦係由宇企一手發掘。提到蘿莉系作品，小倉愛麗絲最擅長就係以可愛風格同面孔玩角色扮演，即係家陣統稱嘅Cosplay，呢類系列亦可以話係宇企一手引入AV界。另外，宇企有好多當年被視為風格創新嘅AV系列，例如係《成人保健室》、《緊縛調教》及《淑女館》等，絕對可以話係AV發展嘅先驅者！
宇企見證日本AV嘅發展歷史，推出新人女優慶祝35周年嘅同時，仲喺慶祝專頁搵來3位老職員嚟話當年，同大家一齊回憶AV往事。職員表示以前都有好似家陣咁會搞AV碟宣傳會，之不過就冇現時咁頻密，原因係AV女優一般都較少願意走入公眾地方，而每次開呢類宣傳會總會惹來不良分子嚟搞搞震，調戲現場嘅AV女優。提到AV女優，老職員就同聲表示懷念，佢哋話以前嘅女優專業態度相當好，對於拍攝同自己嘅演出都好有要求，大部分會睇完劇本先至拍攝，而當年嘅AV直情當係電視劇咁拍，所以一定會有劇本，依家班女優就唔同晒，有劇本都好少睇，多數都係即興演出。老職員仲提及，以前無論女優定係拍攝人員都係即日以現金支薪，因為當年個個都打幾份工，收現金唔會畀人咁容易發現秘撈喎。如果大家想了解更多有關日本AV嘅歷史，亦同時想了解宇企嘅5月重點新人柚木彩花，可以Click入www.km-produce.com/uchu35th/#jackets睇睇。
撰文：賢