2016年5月有一件大事將會發生，唔係台灣知名樂隊來港開演唱會，而係來自日本寫真界嘅女優高崎聖子將會隆重降臨AV界！我哋一眾AV迷認真有眼福喇！至於點解高崎聖子會由寫真偶像變成AV女優，依家就同大家睇睇事情嘅始末啦！
如果大家對日本AV廠素有認識，又睇過不少小弟喺本欄幾份嘅報道，相信應該知道日本AV廠當中，最具話題性嘅一定係MUTEKI（無敵）喇！點解咁講呢？因為無敵其實真係幾無敵，在於廠方致力從藝能界拉攏知名女藝人下海拍AV，想當年就搵到原名小田有紗嘅佳山三花、小松千春、吉野公佳等，嚟到AV界為大家獻身。而近期無敵旗下一位專屬女優更加可以話取得空前成功，佢就係前AKB48成員，擁有俏麗面孔以及巨乳級身材嘅三上悠亞喇！由於上年甫出道就成功奪得AV銷售網DMM嘅2015年下半年銷量冠軍，到今日氣勢依然強勁！然而，無敵嘅作品銷量喺5月應該更加強勁，因為廠內會多一位極具話題性嘅專屬女優，呢位就係被廠方稱為擁有G奶完美身材嘅高橋聖子喇！
乜個名似曾相識咁嘅？冇錯！高橋聖子喺藝能界發展嘅時候，用嘅藝名就叫做高崎聖子！嘩！高崎聖子咪就係喺2012年出道拍水着寫真，憑住一副嬌俏正統派美貌以及G Cup超完美身材而火速走紅，更加被寫真界稱為「寫真界救世主」，兼且大有機會取代杉原杏璃嗰位寫真界小天后，完全正確！高崎聖子明明事業如日方中，點解搞到要拍AV咁淒涼呢？講起呢方面，阿妹可以話係罪有應得，而犯嘅過錯仲比三上悠亞更嚴重。悠亞效力AKB48期間因為溝仔而被革扯，最後淪為AV女優。而聖子衰咗就因為佢居然做援交搵真銀！早前有短片影到聖子喺一間餐廳同一位男子食飯，期間男子「問價」，而聖子就開出一晚十萬日圓嘅條件，最後仲影住兩人去爆房，仲有不少鏡頭拍到聖子同該男子嘅床戰過程添！經過好多人細心翻閱影片之後，發現片中人個樣真係好似高崎聖子，連面上嘅痣位置都相同，所着嘅裙亦係聖子着過嘅，大家都確認援交女正係聖子。
不過，大家點確認都冇用，最後要係事務所點睇。影片流出冇幾耐，事務所嘅反應係怒不可遏！聖子即刻冇得留低，呢個時候大家都知道影片主角的確就係聖子。而聖子被踢走之後，為咗搵食就順勢轉投AV界，仲被無敵火速捕獲。嘩！知名寫真偶像嘅一夜情價錢都只不過係七千幾蚊港紙咁抵，早知我都過去親身支持一下啦！喺聖子被確認會拍AV之前，仲有小插曲，有人發現一本裸體寫真映像作品，演出者島崎景子同高崎聖子生得十分相似，故大家都認為聖子會轉型做裸體寫真女郎，但勢估唔到聖子直情去拍AV。5月1日高崎聖子嘅首部AV作品《寫真界四天王─高橋 MUTEKI Debut》會正式上市，製作嘅AV廠無敵就表示聖子喺作品當中將會有吹奏同抽送場面，雖然歷來都有唔少同無敵合作嘅女藝人借位拍攝，但係唔理真定假，可以睇到聖子呢位前寫真界救世主剝光豬已經值回票價，作品勢必爆紅，真係有買趁手喇！
撰文：賢