喺今時今日乜嘢都講求創新嘅年代，好似乜嘢都要做到史無前例咁先至算係夠創新。其實想創新唔一定要由零變一，一啲傳統或大家都已經習慣咗好耐嘅舊觀念、舊元素，只需要喺當中鑽研一下，並且改進吓，就可以變成新嘢o架喇！
男人心郁郁想去鹹濕一番，有人會選擇去邪骨場或夜總會，而呢位喺廣西柳州嘅田姓男子，凌晨食完消夜之後，就搵街女開心吓，點知卻發生一件令佢後悔終身嘅事。話說田男食完消夜行去搭的士途中，遇到一位身穿紅色連身裙、黑襪褲同紅色高踭鞋嘅街女，對方兜搭田男指可以提供性服務，兩人議價後決定以50元人民幣進行交易，然後齊齊到附近公園嘅草地開戰。完事後，田男着番條褲諗住返屋企，點知就被掩至嘅警方將佢哋雙雙逮捕。警方經調查後赫然發現，所謂「街女」原來係男人！呢位韋姓男人現年36歲，由於自小渴望成為女人，為籌集變性手術費，自2007年開始以男扮女裝方式從事賣淫活動。不過，田男最大鑊嘅事並唔係畀人拉咗，亦唔係搭上咗呢位「街女」，而係韋男喺今年1月發現感染咗愛滋病，究竟一次交鋒，田男有冇中招呢？睇怕佢真係有排驚呀！
原來喺台灣嘅色情小食店中，如果包廂閂埋房門嘅話，係唔會被以公然猥褻罪而被起訴。話說早前台灣基隆警方查獲咗4宗色情小食店案件，當中嘅女侍應剝衫陪酒，因此被控以公然猥褻罪名。點知當中有3宗被基隆地檢署認定，由於女侍應全部都喺閂埋房門嘅包廂內剝衫陪酒關係，故此未達「公然」狀態，故此決定唔進行起訊，不過到咗第4宗時，地檢署卻唔同意控方嘅講法。原來呢宗案同其他3宗有少少分別，因為喺當時嘅警方放蛇行動中，雖然包廂房門係閂埋咗，卻冇鎖上門，因此包廂內嘅男女經常地進出，從而令包廂成為一個「公然」嘅空間，加上房內嘅小姐不但有裸露行為，更引誘放蛇嘅警員有下文，因此呢間小食店嘅負責人及小姐均便被成功入罪。不過話說回來，鎖門同唔鎖門竟然會構成咁大嘅分別，唔通以後呢啲小食店要提醒玩家，入到包廂後記得要閂埋道門兼鎖上，咁就萬無一失？
講到日本風俗店中，邊類型嘅收費最大眾化嘅話，相信非熟女風俗店莫屬。理由好簡單，因為熟女嘅質素一般都比較低，加上玩家心態上都鍾意同年輕風俗孃曳曳，故此呢類型嘅風俗店收費往往會比較便宜，亦經常推出折扣優惠吸引玩家捧場。不過呢間位於東京吉原嘅熟女風俗店「Rothenburg」卻反其道而行，玩高格調、高質素及高收費，究竟呢種與別不同嘅做法，能否獲得市場良好嘅反應呢？答案係肯定嘅！雖然呢間風俗店嘅收費相對其他熟女風俗店貴起碼2成，120分鐘嘅基本服務收20,000日圓（約1,420港元）起，當中仲未計其他雜費。至於風俗孃平均年齡超過40歲，但係仍深受玩家歡迎，皆因佢哋質素相當高，不但保養得宜，身材更係有前有後，最重要係風俗店經常搵嚟人氣AV熟女女優客串，加上儀態萬千嘅風俗孃，難怪有唔少捧場客。
撰文：魂