Amber Rayne一路好走!

起初各界仲以為係愚人節「大整蠱」,估唔到喺4月2日得到證實,芳齡31歲、一心諗住淡出脫星界,全力展開人生新一頁過正常生活嘅Amber Rayne喺屋企與世長辭,消息震撼四仔界,業界同粉絲都表示不捨,更可惜係阿妹替四仔界付出10年,到離開都未有人為佢製作一套代表作,而佢同「男神」James Deen單案仲未搞清楚,實在太可惜!

愛運動卻遇癌症

綜合美國成人新聞網站及脫星所述,Amber Rayne喺美國時間4月2日離世,終年31歲。事件不止粉絲傷心,連佢身邊好姊妹都表示難以接受,尤其亦師亦友嘅Stormy Daniels,如果唔係阿姐吹雞,舊年Amber Rayne已決心離開幕前工作,正因為Stormy要開拍個人大作《Wanted》,指定要Amber妹客串,結果作品成為佢嘅遺作。咁所以Amber妹離開,可以話係冇任何引退作品。最後一次幕前演出喺porndirectorpodcast.com玩自摸直播,自此阿妹就專心做騎術教練工作,係呀,咪以為Amber妹淨係識得做愛,查實阿妹嗜好多多,運動就最Like,好似冰上曲棍球、棒球、潛水,而最愛就係騎馬,阿妹嘅社交網甚少Po鹹相,騎馬相就日日都有,並且早就考咗教練牌,好可惜愛運動身體卻出現問題,有指佢喺2011年證實患上淋巴癌及子宮頸癌,當時開始淡出四仔界專心養病,到2013年宣布戰勝癌魔,但亦有消息指實情未斷尾,阿妹近年健康一直走下坡,所以決定全面退出四仔界!

死因各有各講

至於今次離世消息,外界眾說紛紜,有指阿妹服藥過度,成人新聞網就力指係癌症復發,而好姊妹Stormy Daniels就指阿妹喺洛衫磯家裏於睡夢中安詳離世,但報道話一直要等驗屍報告方可確定。Amber已走,但姊妹話接受唔到,好似跟阿妹學騎術嘅Bonnie Rotten喺Twitter留言表示非常震驚,仲話私底下當佢係閨密,多次合作嘅Lexi Belle話呢一刻都冇法相信,其他合作脫星包括Kayden Kross、MimeFreak、Phoenix Marie及一眾男優都話心碎,但願阿妹喺另一邊唔會再痛苦,永遠幸福快樂,但睇怕最「難過」一定係男神James Deen,唔知大家仲記唔記得,大約兩個月前,James Deen嗰單性侵醜聞,Amber妹自爆係其中一位受害者,單嘢到今日都未解決,但當事人行先一步,難怪撐Amber嘅人話全球最開心係James Deen,粉絲紛紛喺社交網圍插佢,真係躺着也中槍,最後男神係事後兩日發言話希望大家尊重死者,唔好再出言傷害喎!

網址:www.porndirectorpodcast.com/main/2016-02-09-20-31-52/

撰文:祖