相信每個男人都希望沉醉於酒池肉林當中，大塊肉大啖酒仲有大美人陪伴。之不過，內地掃黃成效顯著，此調已不能再彈，惟有用視覺享受啦！早前日本成人頻道ParadiseTV就嚟個酒池肉林直播，派出頻道3大女優演出，雖然陣容唔算大，但係佢哋演出夠晒放蕩，為觀眾帶來無比視覺刺激！
日本當地有唔少成人頻道，當中以ParadiseTV（簡稱PTV）最受歡迎。至於PTV點解咁多粉絲呢？梗係因為多嘢睇啦！歷來PTV都製作出好多新奇刺激又夠鹹趣嘅節目，擁有逾十年歷史嘅《脫衣麻雀》係其中之一！近年仲有《比堅尼乒乓球大賽》，另外仲同拉麵店合作炮製出《爆乳拉麵店》，可以話將AV女優同生活層面融為一體。PTV嘅節目除咗題材吸引，3位AV女優主播亦一樣咁吸睛，佢哋包括美泉咲、原美織及玉城麻衣，為咗報答粉絲們嘅支持，早前就嚟咗個3女聯手直播，命名為《酒池肉林粉絲感謝祭》！當晚深宵直播嘅時候，節目請咗幾十位粉絲去到PTV電視台，一齊同3大主播慶祝。消息透露，為咗令感謝祭順利完成，喺直播進行嘅兩粒鐘之前，主播們已經做好準備，對定講稿、睇晒節目流程，仲為送畀粉絲嘅寫真照簽好晒名，可見佢哋的確誠意十足。
小弟成日都話喺日本做AV女優粉絲真係福利特多，除咗可以趁女優招募素人男優嘅時候參加埋一份，享受與女優同台演出嘅難得機會外，今次出席《酒池肉林感謝祭》嘅現場粉絲們一樣着數多多！直播一開始，3大主播見班粉絲個個如狼似虎咁款，一定係肚仔餓喇！於是齊齊到台下向粉絲派曲奇餅畀佢哋醫一醫肚，相信粉絲們一定吃在舌頭，甜在心頭喇。之後，女主播已經急不及待要除褲喇！玉城麻衣第一個將最貼身嘅底褲除落嚟，再抽出粉絲送佢一個頭獎，即係將條新鮮熱辣嘅底褲笠落粉絲個頭！見麻衣除底褲，其他女優亦唔執輸齊齊剝衫，原來入面係泳衣嚟嘅，大家自然嚟個泳衣攝影會影番夠本。之後，主播們又着上校服大晒可愛，仲同粉絲嚟個情色表演，即場顯露吹奏功夫！
由於感謝祭需時甚多，故分為兩部分，第一部分同粉絲慶祝，為怕佢哋太夜趕唔到車返屋企，故第二部分就返到PTV嘅錄影廠房進行，冇粉絲在場班女主播玩得更放，一出場已經剝去上衣，全部露兩點演出，仲上演大激鬥添！長期為PTV做嘉賓主持嘅DJ急行擔任評判，命令3女進行各項比賽，分別係鬥打扮、說話能力、報告能力、反應能力及演技。首項比賽，3女各自去道具室揀心水靚衫，玉城麻衣揀咗充滿SM味嘅龜甲縛套裝、原美織就揀咗睡袍，而美泉咲就揀咗套旗袍，經網民現場投票，由露出度最高嘅玉城麻衣先拔頭籌。之後嘅4項比賽當中，就鬥演技最夠鹹味。3女需使用不同物件表演虛擬床戲，玉城麻衣大戰七武器之首嘅摺櫈，原香織同吸塵機纏綿，美泉咲就與手拖喼打得火熱。呢場趣怪大戰，由演出七情上面兼叫聲拆天嘅美泉咲勝出，總計5個回合由原美織贏得總冠軍。
撰文：賢