問答題，巴打知唔知美國四仔界每年有幾多個選舉呢？你永遠都唔會答中，唔止你，連身處業界嘅脫星都數唔清，細佬更夠膽講句，連得獎嗰位脫星都傻傻分不清囉！今日又有得選喇，因為輪到成人網站巨擘Adult Empire一年一度嘅「Final Femme」，今年踩入第5屆，先唔講入圍大熱有邊幾個，上屆得獎誰屬你又記得冇？唔好諗，四仔選舉嘅嘢睇吓笑吓咪算囉，咁認真為乜喎！
還記得上星期先有個乜乜乜脫星選舉，選中冇獎都大把網民爭住投票，點解嘅？其實都係開心吓啫，叫做可以撳個掣投票，幻想自己有幾大影響力左右大局，對香港人嚟講就更加珍貴。假如你都鍾意撳，咁Adult Empire網站嘅「Final Femme 2016」就啱晒你，因為你至少可以撳3次掣投票，甚至更多添，因為主辦單位將64位候選脫星分為4組，分別係 「AE Girls」、「Newbies」、「Superstars」及「All-Stars」，候選脫星先要砌低同組對手直至成為該組冠軍，得出四強後就要同隔籬組爭出線，鬥到最後得番兩件「超級正妹」爭冠軍，聽落係咪好刺激呢？
咪住先，有問題，新進脫星歸「Newbies」嗰組合情合理，但細佬睇極唔明點解有啲脫星落入「Superstars」，部分半紅不黑又塞咗入「All-Stars」組別呢？而「AE Girls」又係咪由Adult Empire編輯部挑選出嚟嘅女呢？摷勻全個網站都搵唔到答案，不過算啦，雖然分組唔太公平，但應該入圍嘅囡囡都喺度，投票唔使入會又唔收錢，夠過癮咪得囉！但亦因為太Hea，所以投票根本係求其咁投，就以第一回新人賽「Final Femme 2016 Round 1：Newbies」，登入Adult Empire網站後，喺16位脫星中，每兩人一組，阿豬阿狗撳個掣都可投票，係咪好笑先？
雖然呢啲「公投」流到冇朋友，但既然脫星都交足戲瞓身宣傳，網友咪當畀面派對，圍威喂為四仔出分力囉！先前講過第一回新人選經已開始，而同步「Final Femme 2016 Round 1：Superstars」亦開波接受投票，官方話每星期都會更新賽果，雖然首輪投票經已截止，但4月5日終極四強出現，網友又可以再投票，賽果將於4月6日公布。冠軍脫星嘅獎品將會擔正演出AE Films Production四仔一部，好豐富囉！
真係講完大家都未必記得，舊年「Final Femme 2015 Championship」最後直路係由Riley Reid惡鬥Cute爆嘅Dillion Harper，結果由後者「性」出，咁又點？阿妹今年影都冇，都係唔好講太多，快啲上網準備投票啦！
撰文：祖