影迷最留意嘅影壇盛事「奧斯卡金像獎」喺2月尾已順利舉行，相信大家亦有留意得獎報道。而我偶像里奧勒度狄卡比奧叫咗咁多次胡，今次終於食得出，奪得最佳男主角大獎喇！喺美國高興完，去到日本一樣有嘢值得興奮，有AV界奧斯卡頒獎禮之稱嘅「SkyPerfecTV成人放送大賞2016」最近順利完成，又係叫咗幾年胡都食唔出嘅初美沙希終於稱后，正確嚟講應該係稱霸先啱，因為今次畀沙希勁擸4個獎項返屋企！
師傅成日教我做人千祈唔好怕蝕底，努力一定有回報，生長於香港呢個投機社會嘅我當然聽唔入耳啦！不過，最近小弟開始醒覺！覺得師傅嘅說話有道理，家陣開始加倍努力溫習……大量鹹片及AV資訊，咁就可以令我處理各種AV界相關報道嘅時候更加得心應手喇！點解我會突然勤力咗呢？因為我見到一個因為個人努力而成功嘅絕佳例子，佢就係剛剛稱后嘅初美沙希喇！喺3月3日晚上，日本上演咗「SkyPerfecTV成人放送大賞2016」，當晚星光熠熠兼夾波光艷影，眾多早前被大會嚴格挑選入圍競逐各個大獎嘅優秀女優喺舞台上屏息以待，等候大會司儀中尾杉公布獎項得主！首先公布嘅就係最優秀新人女優獎，得主係AV集團SOD專屬女優，以素人模特兒殺入AV界嘅極品G奶小花松岡千菜！入圍嘅4位女優當中，綾波夢、彩乃奈奈同木南日菜雖然質素不俗，但係講到活潑、投入及人氣度，松岡千菜真係贏晒，奪獎實至名歸。
松岡千菜聽到係自己獲「最優秀新人女優獎」，神情不知幾咁激動，行去接受上屆新人獎得主天使萌的領獎途中仲眼泛淚光，咁又係值得高興，因為除咗今個頒獎禮有設立新人獎外，其餘就只得「DMM成人大獎」有，可惜後者嘅入圍名單冇千菜份，就算有，對住三上悠亞呢位怪物級新人，有胡叫都好難食得出。千菜領獎後，隨後就公布「最優秀熟女女優獎」，得主係成功擊敗五十嵐忍及加山夏子嘅成宮彩葉喇！上年彩葉姐以《奇跡の38歲人妻》名堂喺AV界打拚，雖然年紀唔細，但係身材嬌小加上皮膚仲能夠保持光滑白晳，比起另外兩位老態畢現嘅熟女，更勝不只一籌。事實上，成宮彩葉喺AV界演出經驗相當豐富，因為資料顯示，彩葉姐早於2010年已經用里中由衣及辺見麻衣嘅藝名活躍於AV界，演技入木三分，實力毋庸置疑。
頒完新人獎同熟女獎，又點少得「最優秀女優獎」呢？今年會有邊一位女優問鼎天后寶座呢？登登登櫈！就係2010年出道嘅初美沙希喇！今屆女優獎嘅其他入圍者全部分量十足，包括有吉澤明步接班人之稱嘅由愛可奈、濱崎真緒、終極癡女櫻井步等，而初美沙希能夠突圍的確係排除萬難，亦係難能可貴，當然更加係用血同汗換來嘅成就啦！沙希上年演出異常落力，同黑人大戰、二穴中出等作品都拍咗唔少，每部演出都咁賣力，呢個獎絕對係實至名歸，咁都未算！沙希今次仲創咗兩個新紀錄，第一個就係連續三屆入圍「最優秀女優獎」候選名單，另一個堅喇，就係喺今屆成為四冠王！因為佢嘅回歸原點之作《新人 初美沙希初亮相》贏得「最佳作品獎」，另外，更獲頒發「成人放送大賞」以及傳媒獎之一嘅「夕刊Spa！獎」，一共勁擸4個獎項，成為「成人放送大賞」舉辦12年以來嘅第一人！認真厲害！
最優秀女優獎：初美沙希
最優秀新人女優獎：松岡千菜
最優秀熟女女優獎：成宮彩葉
最佳作品獎：《新人 初美沙希初亮相》
SkyPerfecTV成人放送大賞：初美沙希
夕刊Spa！獎：初美沙希
Cozy獎：櫻井步
東京Sports獎：小島麻奈美
FLASH獎：松岡千菜
周刊大眾獎：加山夏子
撰文：賢