被喻為「四仔界麥當娜」嘅Jenna Jameson，出道多年，今時今日都咁多人撐，更有好多死硬粉絲希望佢重返四仔界，可惜現年41歲嘅Jenna姐表明唔會再落床獻技，更加令佢嘅產物變成無價寶呀！
愛佢嗰陣就梗係無價啦，到等錢使或有炒價就唔係咁講喇！早前一位名叫Duane Bell嘅網友，自稱由2002年至2008年喺Jenna Studio負責幕後工作，咁多年嚟同外界一樣當正Jenna Jameson神咁拜，不過佢近日就喺拍賣網站將Jenna姐嘅40件「藏品」公開拍賣，底價仲非常之低添！呢堆物品由大褸、胸圍底褲到高踭鞋都有，全部都係Jenna姐拍四仔時着過，例如其中有幾件服飾係喺2006年由Vivid片廠製作嘅《Janine Loves Jenna》出現過，甚至連嗰支道具棒都掟上網拍賣。
至截稿前為止，Duane Bell話已成功售出一對長Boots及幾套制服，遲啲佢仲會將手頭上嘅珍品，配上Jenna姐嘅劇照，希望增加買家信心喎！點解咁珍貴都要賤賣？當事人冇解釋，之不過佢就對傳媒話要去荷里活開健身室，未得閒整理幾十件珍品，莫非係為咗開舖周轉金錢，所以賣得就賣？不過睇怕最擔心唔係買家，反而係Jenna姐眼見自己嘅物品低價賤賣，真係多得佢唔少囉！
撰文：祖