色情騙局真係陳出不窮，好似內地有夫妻檔以色情服務作包裝，跟住趁機偷去對方嘅財物。台灣有色情集團以正當公司掛名招聘員工，實情係欺騙少女賣淫。至於日本一間風俗店有超多風俗孃任揀，可謂陣容鼎盛。
呢單發生喺廣州嘅色情陷阱可謂令人大開眼界！話說一名楊姓男子嘅老婆，同埋佢個徐姓姨丈嘅老婆，亦即係佢個姨媽，喺天河嘅一處城中村街邊拉客，佢哋同一名男士傾好肉金後，就齊齊去到一間事先經楊男同徐男改裝過嘅出租屋交易。原來楊男將原先一間嘅出租屋，以木板間成兩間房，並喺木板牆上設有活動暗門。
當兩個囡囡喺房內同玩家交易時，佢同徐男就潛入房中，用假人仔換走玩家袋中嘅12,800元人民幣。完事後，佢哋以為神不知鬼不覺，點知冇耐就被警方採取突擊行動，並控以相關人等賣淫、使用假鈔同盜竊罪。楊男雖然承認盜竊，但卻否認用假銀紙，並聲稱假銀紙係執返嚟，而佢老婆同姨媽則係提供按摩服務而非賣淫，最後法院仍判處有關人等一年以上有期徒刑。不過問題嘅重點係，呢兩個男人為咗錢，竟然犧牲老婆去賣淫， 真係離晒大譜呀！
以前啲招聘小廣告，總會見到唔少標榜「毋須經驗」、「毋須學歷」、「須夜晚返工」、「可預支人工」等字眼，而明眼人一睇就知道呢啲係夜總會嘅招聘廣告。當然，作為一個自由經濟社會，有興趣嘅成年人可以去應徵。不過呢間位於台灣台中市以傳播公司作包裝嘅色情淫竇，卻以同樣手法吸引未成年少女提供色情服務。以楊姓男子為首嘅色情集團，掛名「85經紀傳播公司」招聘員工，並以「月入10萬新台幣」、「年終有員工旅遊」、「有困難可無息預支」等作餌，吸引輟學少女加入，然後再以電話短訊「16歲少女你要嗎」、「保證幼齒新鮮」、「少女外送服務」以及卡片廣告等方式誘客，再帶少女到KTV陪酒或到時鐘酒店賣淫，而呢啲所謂「傳播妹」每次收費為3,000至5,000新台幣（約750至1,250港元），佢哋從當中抽取2,000至2,500新台幣（約500至625港元）嘅佣金。經營咗超過3個月，就已獲利超過120萬新台幣（約30萬港元），當地警局接到線報後，早前採取行動，將呢個集團一網打盡。
記得以前內地夜遊業嘅黃金年代，唔少夜場都聲稱有幾百個囡囡任玩家揀選，雖然實際係咪真係有咁多個，相信冇玩家真係數過，但當時人頭湧湧嘅場面的確壯觀。不過大家有冇諗過，同樣嘅場面竟然係日本上演？呢間位於日本東京錦糸町嘅「E+」風俗店，囡囡數量多得驚人，有超過250名風俗孃畀玩家揀選，最重要係冇吹水，因為喺官網中嘅風俗孃名單，真係有咁多個，玩家大可以自己慢慢數兼絕無走數！風俗孃陣容鼎盛，當中乜嘢類型都有，從美少女到熟女、從AV女優到現職OL、從玩純情味道到狂野S系女王等，總有一種可以滿足客人嘅口味。玩家先從名單中揀選心水風俗孃，畀個電話對方後，過咗冇耐風俗孃就會送上門。雖然囡囡多成咁，但仍然有玩家投訴，原來佢哋覺得風俗孃人數太過多嘅同時，又冇得自訂心水選項，搞到佢哋每次都要逐個逐個去睇好花時間喎！
撰文：魂