杯杯良伴 清潔好幫手

除咗要注意個人衞生,就連J杯亦唔例外,梗係啦,經常使用一定會有好多細菌,唔徹底清洗又點得呀!當然每次玩完之後都要搞一大輪清潔工夫真係好麻煩,假如你又懶又要鹹濕,為細佬健康着想,以下J杯良伴要(目及)實喇!

防滑手套

「勤洗手,咪做幕後黑手!」講就容易,個Mood一到,邊得閒洗乾淨對手跟住用J杯爽吖!之不過雙手的確暗藏細菌,結果搞到成個杯都係菌,再傳染畀命根,咁就手尾長喇!所以作為一個負責任嘅男人,事前唔洗手,就要戴呢個手套,佢似足洗碗手套,戴住佢手執J杯,就算你再用力,個杯都唔會揈甩,咁自然玩得開心又放心啦!又或者喺手套上直接加潤滑油自娛亦得,事後用水一沖就乾淨晒,真係好方便呀!

名稱:J杯手套

售價:約HK$4.5

網址:www.hotpowers.jp/goods/1-1019.html

粉紅棉棒

清潔J杯最麻煩係要反轉嚟洗,一唔小心,好易整爆杯口,心愛嘅杯即時報銷,但有咗呢支棉棒,清洗過程就簡單得多喇!佢好似一支放大版嘅棉花棒,每支長15cm,市場上所有J杯都啱用,可以由「隧道口」一直清洗到尾,必定可以洗到乾乾淨淨,用完仲可以拆出嚟更換棉條,非常方便!

名稱:J杯棉棒

售價:約HK$16

網址:www.hotpowers.jp/goods/1-906.html

香味粉末

猶如爽身粉嘅矽膠情趣用品清潔粉末,作用係令玩具既有香味亦有殺菌功效。而呢盒專為咪咪及籮形J杯而設,有巴打會問點解唔直接攞去沖水?咪因為男人都係哺乳類動物,總係鍾意啜吓錫吓,日積月累自然留低好多口水味揮之不去。用法超簡單,用掃頭沾上適量香味粉末,再掃喺杯上,等10分鐘左右就搞掂,據聞日本長期缺貨,不妨買定幾盒看門口喇!

名稱:香味粉末

售價:約HK$44

網址:www.hotpowers.jp/goods/1-1017.html

超吸水抹布

J杯洗完點處理好?有人認為晾乾最好,不過晾喺屋企好尷尬喎!計我話由頭到尾抹乾佢,再收入盒先為上策。要抹乾J杯絕不可用一般毛巾,事關會令J杯表面黐滿毛毛,而呢塊J杯抹布,日本出品,唔會甩毛之外,仲有超強吸水功能,幾秒就可完全吸乾J杯上嘅水,咁方便,貴啲都抵啦!

名稱:J杯抹布

售價:約HK$60

網址:https://www.e-nls.com/pict1-39887

撰文:祖