男極圈
成人教學提升乳文能力
想提升學習質素,除咗要學生本身努力之外,教師亦相當重要 ,最近西班牙就出現咗美女巨乳教英文。早前有報告話男人替女士口舌會增加口腔癌風險,之不過係咪有咁多男人鍾意玩呢一科呢?濫交風險高,除咗傳染性病之外,仲會傳播寄生蟲,有報告就顯示一個手機交友程式幫助傳播陰蝨喇。
剝衫教英文
近年教育界有好多政策惹起爭議,不過大家其實唔係爭拗得咁緊要,因為小弟相信每個政策都有其好處以及原因,覺得唔啱用咪作調整囉。提到教育,好多人都覺得近年學生哥嘅語文水平下降,呢一點要等當局慢慢諗計喇,之不過成年人嘅英語水平我就有方法可以提高,可以參考西班牙呢個網絡電視節目《Naked Language》!節目主張以簡單又有趣嘅方式教英文,而為咗令觀眾睇得輕鬆又投入,現身教英文嘅全部都係身材豐滿嘅靚女,佢哋一邊教英文一邊除衫,最後除到全身光脫脫,情況就好似早年美國興起嘅《裸體新聞》咁。雖然暫時就未知節目係咪真係可以提升大家嘅英語能力,但係可以肯定吸引到大量男士們坐定定睇,大家想了學埋一份的話,可以Click上https://www.youtube.com/watch?v=4G1HUUEV64M睇睇。
喜愛吹口琴
好多男人都話女仔好少亦唔願意為男方吹奏一曲,事實上如果佢哋將心比己,肯為女仔口舌又有幾多個男人願意呢?之不過,轉換喺外國就唔同講法,有唔少外國男人鍾意「吹口琴」,邊個國家呀?咪日本囉!睇日本AV時男優為女優「吹口琴」可以話係指定動作,過程仲「雪雪」有聲,睇落就知道男優幾咁享受,但係拍戲歸拍戲,現實當中又多唔多日本男人鍾意玩呢科呢?日本一個L字頭化妝品品牌早前進行過一項調查,問到受訪男士鍾唔鍾意為女仔口舌,結果有83%男士表示鍾意!只有10%冇意見,4%表示厭惡。男人點解鍾意吹口琴呢?有人話過程相當有挑戰性,亦有人話女方嘅反應好可愛,更加有人話吹口琴令人感到幸福。
陰蝨猖獗
人體有唔少部分係多餘嘅,例如盲腸,最慘就係冇用之餘仲要擔心引起身體不適,例如會有盲腸炎,而小弟就覺得下體嘅毛髮冇乜用喇!頭髮都話可以改變髮型、顏色令自己睇落更醒神搶眼,毛毛到底有乜用呢?而且會惹起麻煩,例如陰蝨。提到陰蝨呢個問題,最近澳洲悉尼大學一位博士Cameron Webb就認為陰蝨喺未來日子將會愈來愈猖獗同普遍,原因係Tinder呢個手機交友程式愈來愈多人用,博士覺得大家都用呢類程式搵炮友,大大增密人與人嘅性接觸次數,以現時程式全球用戶達5,000萬嚟計,佢就估計當中會有百分之一至二帶有陰蝨,如果唔正視問題,惹上陰蝨嘅比率好可能會仲高過古老時代喎!博士就話解決方法當然係要搵醫生,但係簡單的話就要長期剃走毛毛。
撰文:賢