去夜場玩最怕就係畀人呃，唔係話呃錢咁簡單，好多時囡囡玩到半路放飛機，又或係詐肚痛唔舒服要走先。想避免呢啲情況出現喺自己身上，可謂「一命二運三問人」，先要睇吓自己有冇去玩嘅命水，跟住再睇吓自己嗰晚夠唔夠運，最後先至喺網上睇包膠、搵資料同問朋友，否則諗咁多都係無謂。
有內地夜場經理話，以前最怕就係遇到十幾二十歲嘅玩家，皆因佢哋玩得好冇品，經常搞到啲女哭哭啼啼，又或者係玩得太過癲，搞到間房七國咁亂，當然最驚就係佢哋冇錢埋單。不過今時今日，年輕玩家唔再係夜場中人避之則吉嘅對象，反而成為至愛客人。點解呢？因為後生仔唔係咁識夜場情況，入場前好多時都會先喺網上搜集資料，之但係呢啲所謂資料大部分都係信唔過嘅，自以為做足功課，結果入場後成為媽咪嘅（手禁）住搶對象。不過呢啲都唔係最主要嘅原因，而係家陣嘅年輕玩家好疊水，更何況年輕力壯，晚晚狂歡仍然精力旺盛，入場玩嘅次數比中年玩家多，有咁好嘅長期客戶，你話點會唔係夜場至愛吖！
咪以為囡囡只要有相頭同床技，就可以搵到食，家陣仲要眉精眼企，先至可以保住個荷包。大家千祈唔好懶聰明，以為我又喺度講緊點樣睇客人嘅眉頭眼額，又或者點樣冧客，咁就錯晒！我係指囡囡要睇真個玩家係咪騙徒呀！話說早前台灣桃園中壢有個陳姓男子，去到當地一間個人按摩工作室消費。完事後佢聽到按摩師表示有半套服務，於是就拎出刑警證訛稱自己係桃園嘅警察，並勒索對方1萬元台幣掩口費。陳男見按摩師半信半疑，從衫袋拎出手銬，欲將女方押走，男職員見狀，拿拿臨喺收銀櫃拎錢畀佢。當陳男走後，兩人覺得對方所持嘅證件有啲古怪，懷疑受騙，於是走去當地派出所報案，而警方最後將陳男遞捕。所以話，做囡囡嘅點可能唔眉精眼企至得呢！
之前講過日本呢期興起身材肥胖嘅風俗孃，除咗因為佢哋收得平啲外，仲因為近排天氣寒冷，唔少玩家都貪佢哋有肉地，攬住暖笠笠好正。有挑剔嘅玩家就話，去玩最重要都係睇價錢，呢種肥胖孃咁重口味，肯定係因為價錢夠平，先至會興起啫！但事實係價錢並唔係主要原因，事關日本新宿有間呢期紅到要排隊入閘嘅風俗店，不但將店內嘅肥胖風俗孃分為「櫻」同「椿」兩個等級，仲分成兩種唔同嘅收費，前者每60分鐘嘅收費為18,000日圓（約1,206港元），後者嘅收費仲誇張，60分鐘嘅收費為23,000日圓（約1,541港元）。此外，仲未計入會費、指名費等雜費合共9,000日圓（約603港元），仲有額外嘅服務收費。換言之，去打個冷震就要成兩千港元，之但係貴成咁都仍然有咁多客人捧場，睇嚟呢類型風俗孃真係好受歡迎呀！
撰文：魂