Sunny Leone華麗轉身!

一日脫星,一世脫星!更何況係紅遍全球嘅Sunny Leone呢!講真吖,即使過多十年廿年甚至行先步,只要仲有巴打覺得佢索,阿妹一日都會被翻舊帳!

近年返家鄉發展嘅Sunny妹,進軍電影界表面好風光,但背後不斷被「問候」,就因為做過脫星,道德之士插佢不知所謂,有辱女性兼敗壞道德,So?阿妹依然企得咁硬淨,而見慣風浪嘅Sunny面對傳媒窮追不捨或刻意挑撥表現非常淡定,早前阿妹為宣傳剛上畫新戲《Mastizaade》出席一個電視訪問被主持人咬住唔放,成人新聞網報道,整個訪問完全同電影無關,只有不斷針對Sunny前脫星身份,有備而來嘅Sunny不但無被主持問題「撻着」,對答更不慍不火,連傳媒都大讚阿妹唔做演員可以做公關喎!喺30分鐘嘅節目內,主持劈頭一句就用色情王后(Porn Queen)抬舉Sunny,繼而笑問阿妹返寶萊塢(Bollywood)之前有冇再拍四仔?而阿妹全程笑容滿面,大方承認過去拍四仔揚名,但退役後決心離開四仔界,脫星係人生一個寶貴經驗。而其中一條問到阿妹有無後悔做脫星,各位真係要學嘢喇,Sunny說:「過去每一件事組合起來,先有今日嘅我,每一項工作都係踏腳石,當今日我見到新進脫星寫真及四仔,我覺得佢美麗又性感,脫星屬於自由,可以做佢哋喜歡做嘅事,我衷心感到欣慰!」呢位曾經脫星,答得高招兼曲線自讚,勁!

撰文:祖