初夜對象多數不理想

女仔嘅初夜唔係咁容易畀男人得到手,然而當女方奉獻咗第一次之後,許多時都覺得對方唔係理想對象。一夜情容易引起各種問題,不過有研究就話一夜情其實都有好處。急色係男人嘅本性,女仔就相對地慢熱,所以大部分日本妹都希望可以做足前戲先至開波。

浪費隻豬

人生有好多第一次,第一次同男仔發生關係對女仔嚟講相當具重要性,為咗令第一次能夠留畀心愛嘅人,好多女仔更加守身如玉。然而,留咗隻豬咁耐,終於有一日畀自己認為值得嘅男人奪走,又係咪值得呢?調查發現原來係唔值得,至少過半數英國女仔如此認為。英國一個媒體訪問咗近2,000名年齡平均為21歲嘅女性,問咗好多有關其性生活嘅問題,逾半受訪女性表示自己嘅第一次係畀咗一個自己唔鍾意嘅男人,唔知係咪咁,令佢哋更加積極尋找一個適合嘅對象呢?調查嘅其他結果都顯示英國女仔都幾開放,例如佢哋平均同9個男人發生過關係,7成女仔試過一夜情。另外,有四分之一女仔表示鍾意同已婚男人上床,更加有14%女仔話絕對唔介意床上對手係女性好友嘅男友,睇嚟佢哋為咗滿足自己真係冇乜底線喎!

一夜更精神

男士們相約朋友去酒吧,除咗樂於睇波同享受酒精之外,其實仲有一個重要目的,就係溝女!當然亦有唔少男士希望搵到一夜情對象,喺當晚慰藉一下自己嘅身心。之不過,一夜情為好多衞道之士所不齒,話呢種濫交行為並不值得鼓勵,又話有損道德價值云云。小弟我就冇資格談甚麼道德價值,雖然一夜情的確好多時都會帶來唔少麻煩,從新聞報道當中都見到有唔少一夜情之後搞出人命。不過有調查就話一夜情對身體有好處喎,該研究由美國康奈爾大學以及紐約大學聯手進行,搵到371位美國大學生協助,睇吓佢哋喺12個星期入面嘅性生活以及健康狀態係點,當中有發生過一夜情嘅學生比率唔算高,只有15%,但係呢班學生就相對其他學生精神、壓力較少、自信心較強等,總言之精神健康較佳啦!

前戲好重要

小弟覺得日本AV比歐美四仔好睇嘅地方,在於通常都有劇情包裝,先唔好講劇情有時係嚟得突兀又有少少反智,但係至少可以令大家投入戲中,又可以滿足大家嘅性幻想。另外,日本AV當中嘅男女激戰,前戲嚟得比歐美四仔仔細,不過有人認為前戲拖得太長,應該兩三下就單刀直入,如果大家喺現實中嘅性生活係咁就唔要得喇,因為好多女仔都希望享受更多前戲,搞到慶晒先埋牙。日本有調查訪問咗100名20來歲嘅女仔,當中68%表示前戲相當重要,希望可以畀男方搞到潮濕先進行激戰。至於班日本女仔又鍾意邊一種前戲呢?80%表示鍾意男方提供口舌服務、68%鍾意愛撫、51%鍾意一齊睇AV、47%認為鴛鴦浴亦係一種良好前戲,各位男士要記住喇。

撰文:賢