雖然每次聽到人哋講長江後浪推前浪時，內心總會有幾分唏噓，只係樂觀啲嚟睇卻可以形容為推陳出新。皆因社會不斷進步，如果唔可以貼近現實世界發展嘅話，莫講話夜遊業能否繼續生存，就連想維持玩家數量都相當難，而從呢個角度嚟睇嘅話，有新嘢推出都係一件好事。
對玩家嚟講，每當講到燈頭、扯皮條、媽咪等崗位時，都會覺得從事呢啲工作嘅人，佢哋嘅年紀都偏大。不過隨住夜遊業利用網絡搵客同宣傳，舊有嘅方法好難再吸引到年輕玩家，甚至係一啲早已習慣使用互聯網嘅中齡玩家。喺咁嘅情況下，就吸引到一啲年輕一代加入呢個行業，而喺內地甚至有唔少90後從事呢啲工作！由於佢哋熟悉互聯網生態，並且了解網絡使用者心態同習慣關係，若然再有少少商業營運知識，同埋電腦技術嘅話，就已經可以為傳統夜遊行業帶嚟極大嘅變化。就好似早前喺湖南、湖北、廣東等地破獲嘅跨省網絡招嫖集團，佢哋就係透過手機聊天App嚟搵客同宣傳，並且分為組織者、代聊手、妓女、睇水、收錢等多個職位。呢個結構嚴謹又具規模嘅集團，當中被抓嘅19人中有唔少90後成員，相當年輕。
經常聽到一啲夜遊前輩稱某啲囡囡做「見光死」，意思即係指當開晒燈嘅話，一見到囡囡個樣就畀佢嚇死。當然，對家陣嘅玩家嚟講已好少遇到呢啲情況，皆因樓上舖嘅囡囡睇貨時都會伸個頭出嚟，都算睇得夠清楚。不過對台灣嘅玩家嚟講，卻仍然要有遇到「見光死」囡囡嘅心理準備。話說早前高雄有位51歲陳姓玩家，佢去到一間以美容會館包裝嘅半套店玩樂，佢並唔知道呢間半套店太過鄰近補習社關係，故此早就已經被人舉報，而店外更早已埋伏咗等待時機，進行突擊檢查嘅警務人員。正當陳男喺度享受銷魂無比嘅手作仔服務時，警員一哄而入並且將佢同34歲嘅廖姓女技師當場逮捕。當佢同廖女上到警車，喺光猛燈光下一睇，見到廖女長相嘅佢即慘情大叫：「點解同頭先睇到嘅唔一樣嘅？」情景相當搞笑。
為保障個人私隱，喺見工時所填寫嘅個人履歷都會被嚴格保管同處理，不過有間位於日本熊本嘅「好色人妻熟女」風俗店，卻將風俗孃嘅個人履歷當成娛樂之一，並且大方同玩家分享，又會咁嘅？原來呢啲被稱為「H履歷」嘅個人履歷，其實係純粹玩笑之舉。所謂H即係Hentai，亦即係變態嘅簡稱，當中包含色情嘅意思，按呢個定義嚟睇，就知道「H履歷」其實係風俗孃嘅搞笑自白。雖然話就話係搞笑，但係佢嘅內容又相當豐富，而風俗孃亦填得相當認真，除咗一般嘅姓名、年齡、身高、三圍等資料外，仲有相當精彩嘅個人性愛歷史自白，風俗孃會講述自己喺唔同嘅年齡，發生過一啲同性有關嘅事，例如佢嘅第一次係幾時同喺邊度發生等，仲有最拿手性技、性愛座右銘以及成人Q&A等。至於成人Q&A嘅內容，則包括發生第一次時諗緊乜、至今為止曾同幾多個人曳曳、當有性慾時點樣解決、最享受喺邊個時間自娛等。此外，仲有風俗孃嘅自畫像，等玩家可以從中睇出呢位風俗孃嘅性格。
撰文：魂