Sienna Sinclaire吹吓搞吓

吹水都講層次,係呀,由2016年開始,唔好亂吹,真係要有啲動作,否則網上被人「洗版」好大鑊(口架)!身兼半個裸模半個床上脫星嘅Sienna Sinclaire,其實大家都唔太清楚佢撈乜,亦都冇乜人想知佢動向,不過阿姐喺性學界有一定分量及影響力,佢經常發表兩性關係意見,又寫書又寫專欄,同時自己亦相當欣賞自己副偈,拍過全裸寫真,示範過性虐玩法,總之乜都同性有關啦!

而阿姐今年第一大作喺個人網站搞咗個「曳曳挑戰」(Naughty Challenge)唔好以為係惡搞,又或者淋吓冰,夾吓汽水罐就搞掂,原來好鬼煩,上網了解過,挑戰分為三個星期進行,目的係幫助所有人建立自信,認識自己,欣賞性感喎!

每星期一個主題,例如第一個禮拜叫「Get Moving, Get Fit」,學習如何提高性慾,精力和激活「感覺良好」嘅激素。進入第二周主題為「The Easy Way To Lose Weight」,即係減肥啦,喺5分鐘鍛煉或改變飲食習慣,最後一星期係「Shake Your Booty」,報稱男女不拘添!話明挑戰,當然有冠軍啦,勝出嘅竟然可獲價值100美元禮品卡,Sienna姐嘅性感鍛煉影片、鋼管舞訓練影片、健身背心、健身運動包,維他命及好多好多無謂嘅獎品,點參加?參加者要將過去三星期嘅「床上運動」照發送去Sienna Sinclaire網站就得喇,唔好笑阿姐無聊,呢啲水唔係人人吹得起,唔信你試搞下吖!

網址:http://www.naughtylifestylecoach.com/women/user/ebooks.php?pkid=7&#

撰文:祖