日本嘅成人漫畫之所以發展得咁具規模，確實係有佢嘅理由，既有男性漫畫家創作嘅激情題材，亦有女性漫畫家賦予嘅柔情魅力，單係呢點已經令成漫題材變得更多元化，好似今次介紹呢本出自女成漫家小宮裕太嘅作品《Candy Puff》，充分展現出女性角度下糅合情與慾嘅特點。
女成人漫畫家小宮裕太呢個筆名相當男性化，但原來喺2000年出道時，佢曾經用過筆名御堂明日香喺成人漫畫月刊《COMIC HOT MILK》連載成人漫畫單元故事，其後佢為咗方便創作，就改用現時嘅筆名。小宮裕太嘅漫畫最大特色，除咗線條簡潔，予人清新感覺外，筆下嘅女主角更同一般嘅成漫有好大分別，佢喜歡繪畫萌味十足嘅美少女，雙子峰唔會過分誇張，同時性愛場面以輕鬆及溫馨手法帶出床戰嘅浪漫感。此外，小宮裕太喜歡以學園、青梅竹馬及家庭作為故事背景，亦最愛加入愛情元素，因此佢嘅作品充滿住女性漫畫嘅風格，難怪吸引唔少女粉絲追捧。
喺2000年2月小宮裕太推出首本個人成漫單行本《LOVERS HIGH》後，就轉向插畫界發展，並為人氣輕小說《D‧H‧A》繪畫插畫。及至2006年，佢回歸成漫界，並喺2008年1月推出闊別多年嘅單行本作品《SWEET THANG》，以迷人美少女風格再次佔領成漫迷嘅眼睛；跟住喺2011年2月及10月推出《Dreamsicle》嘅限定版同普通版，同樣大受歡迎。不過講到佢嘅巔峰之作，則要數喺2014年2月推出嘅《Candy Puff》，呢套作品被漫畫企業虎之穴評為最佳20本成人單行本之一，你點可以唔睇！
《Candy Puff》收錄咗小宮裕太曾經喺成人漫畫月刊《COMIC BANGAICHI》同《COMIC MEGA MILK》上發表過嘅14個單元故事，包括《Practice Run》、《癡女與新皇冠》、《今日我們的圖書館》前、中及後篇、《蜂蜜蘇打》、《蜂蜜拿鐵》、《女前輩〈貳〉》、《天藍色少年》、《我可愛的妹妹》、《我可愛的妹妹 2》、《我的妹妹 4》、《跟鈴一起浸浴》同埋《Translove》，全部故事都以美少女為主角，並加入浪漫愛情元素。而喺眾多故事中，以《癡女與新皇冠》同《天藍色少年》最令人留下深刻印象。
《癡女與新皇冠》講述男主角每日搭電車都會幻想喺車廂內遇到好色癡女，點知有日真係畀佢遇上，更發現對方竟然係個美少女！喺美少女挑逗下，佢將所有精華噴發到對方嘅裙上，當電車到站時，美少女即轉身步出車廂。三日之後，男主角又喺車廂重遇美少女，呢次佢主動出擊攻佔雙子峰，美少女不但冇反抗，更顯得相當享受，最後男主角發射升空，當電車到站後，美少女急急離去。過咗五日，男主角又再次同美少女喺車廂相遇，呢次美少女一啲表示都冇，正當男主角以為美少女對佢失去興趣之際，就喺電車到站一刻，美少女拉佢出車廂，並且向佢表白，原來美少女暗戀咗男主角好耐，跟住下文係點，而男主角同美少女係咪單純肉體關係，想知嘅話就要自己睇喇！
至於《天藍色少年》係一個奇幻故事，講述男主角喺森林邂逅一位紅睛白膚、外形純潔嘅美少女咪咪，當時咪咪喺度搵緊一樣好重要嘅東西，自此之後，男主角每日都走到森林搵咪咪。有一日，天氣漸涼，男主角幫咪咪圍上頸巾，呢種貼心嘅舉動不但打動咗咪咪，更主動以身相許，兩人就喺森林肉搏起嚟。點知就喺咪咪高潮一刻，佢背脊竟伸出幾條觸鬚，原來咪咪係嚟自外太空嘅外星人，而佢一直以嚟喺森林內搵嘅嘢，就係返回母星嘅裝置！
作者：小宮裕太
出版：CORE MAGAZINE
頁數：206頁
撰文：魂