年過三十對於好多女仔嚟講係一個重要嘅心理關口，認為呢個年紀仲未嫁人，生怕會成為老姑婆。女士們又唔使咁擔心，其實過咗三十歲一樣可以好省鏡好有吸引力，令麻甩佬神魂顛倒，唔信大家可以睇吓中女平塚奈菜同埋川村由紀，佢哋咪一樣魅力驚人，女人味爆晒燈！
傳奇女星瑪麗蓮夢露性感迷人，風華絕代，到今時今日亦好難喺荷里活再搵到第二個，不過喺日本寫真界或者可以搵到，呢位就係平塚奈菜喇。奈菜10年前擔任日本資訊節目《大王之分歧》嘅記者而踏入演藝界，後來因為身材豐滿誘人加上面孔標致而加入寫真界發展。奈菜身材有幾好？三圍係36-24-36，胴體豐滿婀娜，加上一對質素一流嘅極品F Cup美巨乳，唔拍寫真認真浪費天賦本錢。奈菜身材美貌俱佳，由於曾經住過平民區，因而被封為「低窪手工業區居住的瑪麗蓮夢露」。
活躍寫真界多年，奈菜認為踏入三十之齡好應該有所突破，最近推出嘅寫真作品《30+α》就玩透視誘惑，平塚奈菜喺演出當中特別換上剪裁貼身又少布嘅衣服，更加會真空上陣，濕身時透點，唔濕身亦會凸點，雖然冇全裸場面，但係若隱若現加上大露半球嘅場面一樣非常吸睛，當然奈菜散發出嚟女人味亦令誘惑度大增啦！
碟名：《30+α》
收錄時間：120分鐘
售價：約HK$275
曾經叱咤一時嘅童顏巨乳寫真女神星野亞希令人嘖嘖稱奇以及受萬千男兒擁戴之處，除咗因為胸前一對變幻莫測嘅F Cup美巨乳，仲有年過三十依然保持青春可愛嘅童顏。之不過，小弟就認為面上氣質應該同真實年齡相配合，咁先能夠發揮出本來應有嘅韻味，所以我比較鍾意川村由紀。由紀五官標致，睇落仲有少少似知名女星仲間由紀惠，不過我可以肯定由紀身材一定比較吸引，原因係由紀婀娜多姿帶誘人健美感，胸前仲有對F奶，我睇咗仲間由紀惠嘅日劇咁多年都唔覺得佢上圍豐滿囉！
踏入30歲嘅川村由紀，青春氣息係就係減少咗，但係女人味漸濃，又生起另一種吸引力。喺最近嘅寫真DVD《前往川村與你的生活》當中，拍攝角度就以由紀同觀眾共赴同居出發，而由紀喺家中做家務嘅時候，除咗着得性感，仲會做出各種挑逗性動作，散發出輕熟韻味，帶出家有嬌妻嘅溫馨誘人感覺，我呢種年過三十尚未娶妻嘅麻甩仔就最鍾意喇。
碟名：《前往川村與你的生活》
收錄時間：109分鐘
售價：約HK$275
撰文：賢