時光可變，世界可變，性能力亦有許多嘅變遷。記得有玩家自稱年輕時，同囡囡連續激戰6次兼次次彈無虛發，家陣能夠一日內發到兩次炮，已經算係唔錯。雖然性能力變弱咗，但佢鹹濕嘅心卻一啲都冇變，仍然隔日就去撳鐘仔。所以話性能力可變，但係好色嘅心永遠唔會變。
內地經歷幾年掃黃風暴後，唔少玩家熟悉嘅夜場，同埋尋春重鎮都被掃得七零八落。不過正所謂「野火燒不盡，春風吹又生」，部分夜場唔單止暗中重操故業，而以往一啲尋春重鎮亦悄悄開門營業。正當玩家以為昔日美好嘅風光重臨之際，近日東莞市政府宣布展開為期44日嘅整治行動，即係會橫跨農曆新年，對轄區內所有娛樂場所同旅館進行檢查，並重點打擊以微信、短訊、派卡片等招嫖方式嘅目標，以及打擊當中嘅有關人士及組織。據講展開掃黃行動初期，佢哋已分別懲處咗兩間分別喺長安同埋常平嘅酒店，並予以整頓及吊銷特種行業許可證等嘅罰則。睇嚟呢個行動將會對有心趁農曆新年假期北上嘅玩家，帶嚟相當大嘅打擊。
賣觀賞魚嘅水族館同色情場所有乜嘢關係？兩者好似大纜都扯唔埋，只係呢間位於台南新化嘅水族館，當中竟然暗藏春色。原來呢間原本由段姓兄弟營運嘅水族館，由於生意唔好，故此兩人決定將水族館嘅3樓改裝成一間豪華KTV俱樂部，不但打住有日本同韓國籍女郎提供服務嘅旗號，並且喺手機通訊App上成立一個應召群組，即時更新應召小姐嘅資訊，更為玩家提供上門應召服務。本嚟呢種做法不但夠隱蔽，而且服務又夠齊全，但可能係太過神秘關係，縱然將水族館變成淫竇，生意仍然未見起色。佢哋竟然惡向膽邊生，不但喺俱樂部內販毒，更向同業進行暴力勒索。結果有關當局喺今個月初，組織咗超過60名警員將佢哋一網成擒。
大家咪以為打錯字，皆因日本風俗業界呢期最具人氣嘅並唔係風俗孃，而係「豐」俗孃，亦即係身材豐滿嘅風俗孃咁解。話說早排有唔少日本玩家喺論壇上留言，東京唔少專門提供「豐」俗孃嘅風俗店生意相當好，搞到預約極都輪唔到佢哋入閘。唔通呢啲叫做肥田特別多人耕？一間位於東京鶯谷，名為「白BBW小姐」（BBW即係Big Beauty Woman嘅簡寫，意思即係豐滿得嚟又索嘅靚女）嘅風俗店服務員表示，導致人流急升嘅原因，可能係同東京近排嘅嚴寒加上暴雪天氣有關，皆因肥嘟嘟嘅風俗孃可以畀到客人暖笠笠嘅感覺喎！佢哋為咗讓玩家更易選擇到心頭好，將店內風俗孃劃分成美豐滿、略豐滿、豐滿同埋超豐滿4個唔同級別。玩家入到店後，可以喺唔同嘅等級揀選最適合嘅女伴入房「豐」狂一番。
撰文：魂