有人話打工仔每日有一半嘅時間花喺工作上，其餘時間則用嚟瞓覺同食飯，難怪打工仔話工作嘅目的係為咗生存而非生活。日本人氣十八禁遊戲商AKABEi SOFT就以呢種苦悶打工仔心態，作為佢最新登場成人遊戲《上班族的戀愛情事》嘅創作背景，帶畀遊戲迷與別不同嘅艷遇。故事講述男主角鹿樹係個上班族，每日嘅生活就係朝早起身然後返工，跟住加班後回家，食完飯就沖涼瞓覺，每日周而復始。雖然佢努力工作，但仍然得唔到上司嘅賞識，有日上司同佢講：「改變家陣嘅你，就算少少都係好嘅。」聽完上司嘅提議後，鹿樹決定每日都要過住唔同嘅生活，而佢所諗到嘅方法就係每晚邂逅唔同嘅女性，並且喺當晚就要同對方發生關係，換言之即係每晚都要有一夜情！咪以為佢咁諗好天真，原來實行起嚟又唔係想像中咁難之餘，佢嘅生活亦開始有微妙嘅變化。