所謂人無百日好，花無百日紅，喺光陰似箭嘅日本AV界工作，女優們要走得更長更遠，一定要識得改變，由正變邪，由邪變得更邪可說是王道，好似川上奈奈美咁，成功由純真天使變成淫邪小惡魔，自然能夠令女優生涯延續，並且得到大家支持啦。
豐滿型女優喺日本AV界多不勝數，如果要小弟舉例說明，我絕對有信心可以數幾個鐘都依然有貨賣。之不過，豐滿女優多，唔代表瘦削型女優冇存在價值，一直以來呢類女優都不乏支持者，出色者亦眾，好似多年前日本老牌AV廠Alice Japan嘅得力女優七海奈奈咁，直至今日仲有好多AV迷談論同懷念。無獨有偶，同奈奈一樣咁出色，一樣咁纖瘦嘅川上奈奈美亦係出身自Alice Japan。隨住23歲嘅奈奈美兼職到AV名廠Ideapocket旗下，人氣有增無減。老實講，奈奈美的確好適合為Ideapocket打拚，原因係阿妹擁有標致可人又可愛嘅面孔，甜美程度同I廠嘅希美麻由、希志愛奈不相伯仲，正好配合到I廠主打氣質型、時尚小美人嘅宗旨。奈奈美生得可愛，身材卻有欠豐滿感，31-23-32嘅胴體未必適合睇肉迷，不過阿妹瘦得嚟骨感唔太重，望上去都算順眼，絕對唔會惹人反感。
翻睇奈奈美嘅資歷，原來阿妹喺2012年已經下海拍AV，計計吓當年只得18歲。由於奈奈美當時年輕又活潑，所以Alice Japan特別將佢打造成為陽光美少女，演出風格重於正常交歡，少有猥褻演出。雖然突破性唔強，但由於奈奈美掌握得恰到好處，怕醜得嚟不失主動，主動得嚟唔會過分搶韁，加上喺前戲表現出對性事嘅好奇心，睇落討好又過癮，AV迷對佢讚多過彈。呢段日子，奈奈美表現活躍，更加擔任AJ廠嘅販售促進部部長，四出幫廠方推銷AV碟，對廠方業績作出多一份貢獻。2015年8月，奈奈美可能仲嫌自己太得閒，同時效力AJ以及Ideapocket兩間AV廠，亦參加惠比壽★麝香葡萄登台演出。雖然忙得緊要，但佢喺AV嘅演出卻愈益進取，近期拍咗好多一女鬥多男嘅群戰，表現得如狼似虎，畀一位男優抽送緊，仲可以捉多兩個男優啜個夠本，唔吸乾晒在場所有男優唔罷休，完完全全蛻變成無男不歡嘅淫邪小惡魔喇！
碟名：《美腳RQ的淫亂誘惑》
片長：120分鐘
出品：Ideapocket
內容：賽車女郎川上奈奈美為咗保持人氣以及曝光機會，不惜出賣肉體，色誘贊助商、車手、工作人員及一眾粉絲，以青春肉體加上高超性技巧令佢哋死心塌地。不過，奈奈美咁做唔算墮落，因為阿妹本身非常飢渴，色誘對方好有可能只係為咗滿足自己，否則唔會喺激戰完後，強迫對方梅開二度。
年齡：23歲
身高：5呎3吋
三圍：31-23-32
撰文：賢