早幾年有位女歌手蒙面上陣，以甜美歌聲取悅觀眾。喺日本樂壇早年亦有一隊叫「仮面女子」嘅組合，佢哋同樣戴住面罩唔露出真面目，但係就露出驕人身材，結果得到極大回響。近年呢班女子已經除低面罩，作為成員之一嘅天木純以清純童顏示人，加埋巨乳身材，真係驚為天人。
小弟成日都話近年日本寫真界嘅童顏巨乳系掌門人，係篠崎愛呢位美人兒，不過篠崎愛出道多年，大家對佢嘅面孔同身材可能已經睇到麻木，而愛妹嘅童顏經過歲月洗禮，女人味漸漸濃郁，唔再好似以前咁天真可愛。愛妹近年表示銳意向樂壇發展，實行棄胸從歌，大家可以預期將來愛妹嘅火辣性感演出會愈來愈少。幸好，童顏巨乳者何其多，好似今日為大家介紹嘅天木純就絕對有資格接棒喇！
今年20歲嘅天木純人如其名，天真無邪、純潔精靈，甚討人歡喜。而外表清純嘅佢，擁有殺傷力驚人嘅身材！純妹個子唔高，差1吋先夠5呎，但係上圍就大得誇張，有成37吋I Cup咁勁，加埋一身雪白美肌及纖幼腰肢，小弟覺得純妹比篠崎愛更加吸引。
天木純喺2012年展開寫真生涯，不過由於當時未成年，演出風格比較保守，故注目度唔太高。後來，純妹成為女子搖滾樂團「仮面女子」嘅成員，該樂團成員全部都戴上冰球面罩演出，身上僅穿着比堅尼上衣同熱褲，雖然純妹嘅可愛童顏未能曝光，然而其爆乳身材就成功吸引唔少樂迷注意。
純妹身材如此激凸，梗係唔好浪費，喺2014年佢以寫真女郎身份參加「YOUNG JUMP富有彈性比賽」，憑住鮮嫩而彈力十足嘅巨乳勇奪冠軍，之後佢參加「NEXT寫真女王戰鬥第三季」同樣獲得第一名，證明實力非凡。但係純妹人氣正火速上升之際，早前就被傳以陪瞓換取工作機會，幸好流言冇乜實質證據，傳傳吓就冇晒影，而純妹亦一於少理，繼續全力向寫真界、歌壇同電視界發展。
簡介： 想欣賞到更多天木純嘅天真靚相，Click上其博客就冇錯喇！每日純妹都會將自己嘅生活點滴連同可愛自拍照上載到博客，包大家睇到過足癮。
網址：http://ameblo.jp/jun-amaki/
年齡：20歲
身高：4呎11吋
三圍：37I-23-33
撰文：賢