RION爆乳歸來 奪2015下半年冠軍

新嘅一年,相信好多公司都為過去一年嘅業績埋單計數。而喺日本AV界,亦有一張銷售成績表出爐,為2015年下半年嘅AV銷售作一個總結。各位女優都相當努力,之不過,下半年銷售冠軍卻唔係大家熟悉嘅波多野結衣、上原亞衣又或者我最愛嘅女神京香Julia,而係由兩位令人眼前一亮嘅極級新人RION同三上悠亞跑出!

回歸再贏

最近三色台派發樂壇成績表,為歌手們喺過去一年嘅成績總結,頒發獎項以示鼓勵,而其他樂壇頒獎典禮亦陸續上演,睇吓邊個歌手有實力能夠橫掃最多獎項喇。至於日本AV界方面,唔少單位亦為AV女優以及作品在2015年嘅成績計數,然而頒獎禮如DMM大獎、SkyPerfecTV成人放送獎就未有咁快舉行,不過2015年剛過去,女優們嘅作品銷量已經有數得計,日本最大型嘅AV銷售網站DMM最近就為2015年下半年嘅銷售數字做咗個總結,大家又估唔估到邊一個係銷售冠軍呢?家陣就為大家開估啦!佢就係有「神之乳」稱號嘅J Cup爆乳女神RION喇!其初下海作品《新人NO.1 STYLE RION AV初亮相》榮登郵購部門冠軍。其實RION已經係第二次攞到銷量冠軍,乜佢唔係新人嚟咩?阿妹前年以宇都宮紫苑之名出道時,已經憑住對大奶驚為天人,2014年更加係DMM嘅全年總銷量冠軍添呀!

AKB個朵強

RION回歸AV界依然可以重奪銷售冠軍寶座,認真叻女!不過除咗佢之外,淺野惠美同新人森莓莉一樣唔差,前者憑住引退作《微笑回歸 淺野惠美全引退作》勇奪郵購部門亞軍,老實講,淺野惠美甜美而且對極品巨乳又大兼彈手,加上盡心盡力嘅演出的確吸引力非凡,其引退作梗係多粉絲支持啦。至於森莓莉就係去年出道嘅Alice Japan新人,可愛又夠萌味,大家都覺得佢好似經典女優草莓牛奶,因此銷量亦相當理想,搞到一班天后級女優嘅作品都被佢哋踢出銷售榜三甲。講完郵購部門,出租部門嘅銷量冠軍就由AKB48成員奪得,乜AKB48有人拍AV咩,正確嚟講應該係前成員,佢就係原名鬼頭桃菜嘅三上悠亞喇!其初下海作品《Princess Peach》喺出租部門稱冠,喺網上下載部門亦同時成為冠軍,AKB48效應果然唔能夠睇小!

龍爭虎鬥

三上悠亞人甜波正,喺《Princess Peach》更明刀明槍同男優搏命,仲聲稱作品係「一本限定」,難怪咁多人爭住睇啦。不過,三上悠亞宣布喺2016年1月1日再同AV廠Muteki合作,推出新作《快感》,雖然悠亞係就係違反當初一本限定嘅承諾又再拍AV,小弟之前都講過悠亞唔會淨係拍一部咁簡單啦!至於AV迷卻完全唔介意,認為只要悠亞繼續拍AV益街坊就乜都唔使理,而知名日本AV情報網站AV研究所,有好多AV迷都表示悠亞呢部最新作品比前作精彩,絕對有力問鼎全年嘅銷售冠軍寶座,大家要拭目以待喇。下半年銷量成績公布,全年嘅銷售成績又點呢?DMM暫時就未有透露相關消息,不過可以預期有一番龍爭虎鬥,因為勇奪2015年上半年銷售冠軍嘅超人氣I奶熟女篠田步美喺下半年作品相當多,氣勢依然強盛,到底係佢最賣得定係會畀RION搶走全年冠軍,就要等DMM進一步公布消息喇。

撰文:賢