好嘅開始係成功嘅一半，不過即使開頭發展不順，憑個人努力一樣可以發光發熱，到最後仲可以寫下人生光輝嘅一頁，就好似上原亞衣咁。儘管早前隆重宣布引退，不過消息一出阿妹並冇放軟手腳等收爐，而係繼續努力為淫民服務，喺聖誕節更加唔休息，實行上街派大奶……應該係大禮至啱。
天要下雨，娘要嫁人，一個AV女優要引退亦係人力無法挽回嘅現實，人氣強勁、實力超凡、甜美又好波嘅上原亞衣早前喺日本成人博覽2015頒獎典禮中發表引退宣言後，無論係AV業界定係AV迷都為之震撼，更加被亞衣嘅感人宣言觸動得落淚，當時小弟身處現場，驚覺到現場氣氛由熱變冷，身後嘅SOD專屬女優市川雅美仲淚流不止，可見亞衣嘅引退帶畀AV界幾咁傷痛。之不過，亞衣話4月下旬至正式完全從AV界退下來，所以工作迄今依然繼續，更加可以話如火如荼，2016年第一季更將會係亞衣人生曝光率最高以及最忙碌嘅一季。未到2016年，亞衣嘅工作已經密密麻麻，上月20日北都集團旗下嘅多間AV廠包括Moodyz等就聯合搞咗個忘年會，請來一班去年有分為廠方拍AV嘅女優歡聚，當日AV廠本中更加頒咗個「本中獎」畀亞衣，表揚過去効力時作出嘅偉大貢獻。
呢個本中獎絕對值得頒畀亞衣，因為亞衣前年力敵百位素人男優，慘被佢哋中出嘅作品《100人×中出》喺AV OPEN 2014贏得總合部門亞軍，而作品嘅續集亦喺AV OPEN 2015總合部門獲得季軍，為本中帶來榮譽同豐厚收益，本中今日有咁出名都係靠亞衣用血汗同努力換返嚟。講到努力，上原亞衣除咗拍戲勤力，吓吓都同複數男優激玩多P大混戰，假期佢都照樣工作，喺剛過去嘅聖誕節，即12月25日，大家都放假慶祝佳節嘅時候，亞衣竟然唔休息，換上聖誕裝喺街頭派傳單及朱古力玉米卷，表示自己喺4月25日正式引退，傳單上仲寫住招募素人男優同亞衣合作拍最後一部AV，吸引大量途人圍觀。
派完傳單後翌日，即係拆禮物日就飛去大阪K-POWER彈珠機店同廣大市民見面，亞衣更以低胸晚裝上陣，吸引到唔少彈珠迷圍觀。之後就要重投拍攝工作，同沖田杏梨、波多野結衣等，為Moodyz十五周年紀念大作《CRIMSON DREAM》拍攝宣傳照，之後喺12月30日就大堆頭喇！亞衣再同AIKA等女優合演本中年度大作《100人×中出》系列第3集，同早前招募嘅上百位素人男優互相追逐，當然少不了畀班男優連環中出啦。呢部咁勁嘅作品暫時仲未有更詳細消息透露，不過大家唔使等得咁辛苦，因為亞衣嘅AV作品可以話接連推出，喺1月份會一次過推出3部作品，包括《癡女女忍者》、《引退告白》及《有本事的就上來》，亞衣拍得咁密，未到4月驚你殘晒呀！
撰文：賢