雖然小弟係狂熱嘅胸奴人，無論睇寫真定係AV都專搵巨乳女優嚟睇，不過欣賞嘅時候我唔會只掛住睇胸，會先睇佢哋雙眼，因為迷人嘅眼神絕對誘人，加埋激凸雙峰，真係魂魄都畀佢勾埋！今日為大家介紹嘅呢兩位女優就正正係人辦啦！
古時就話女子無才便是德，但係家陣時代唔同喇，無論係男定女都要積極進修，自我增值先得，好似本人嘅母親咁都要成日睇烹飪節目學習煮新菜式以滿足嘴刁嘅小弟啦。而日本寫真女郎其實更加需要增值，因為青春一去不復還，今日的確係青春誘人，但係他朝有一日會年老色衰，好似今野杏南咁創作官能小說，做寫真女郎之餘，又做才女，咪可以開創新路向。唔知山地麻玲係咪從師姐杏南身上學到嘢，亦有意做小說作家，創作嘅「BL」小說喺網上相當受歡迎。
山地麻玲現年21歲，正值青春光華最盛之時，除咗一副F Cup雪白胴體之外，麻玲最吸引人嘅地方仲有一雙電力十足嘅迷人眼神，畀佢望一望便覺全身猶如觸電一樣骨酥肉軟，電力認真唔講得笑。麻玲喺最新力作《Beach Angels 山地麻玲 in 西表島》寫真DVD當中，會以沖繩嘅西表島做背景，當地自然環境相當優美，而麻玲換上內衣同比堅尼搔首弄姿更加吸睛，配合天使般嘅甜美笑容，瞇起雙眼具勾魂攝魄魔力，畫面滋味無窮。
碟名：《Beach Angels 山地麻玲 in 西表島》
收錄時間：71分鐘
售價：約HK$264
一頭秀髮對於女仔嚟講相當重要，老實講，髮型的確能夠影響男仔對女仔嘅印象，好似小弟我咁，對於束馬尾以及紮孖辮嘅女仔就完全冇抵抗能力，畀對方搓圓撳扁亦毫無怨言，更加要問多一句：「可唔可以將我玩弄多一陣咁呢？」難怪當我見到大澤玲美嘅時候，難以自制啦！
大澤玲美可以稱得上為三美佳人，第一就係雙眼水汪汪夠晒迷人吸引，第二美就係胸前雪白嘅D奶，斤両十足且圓潤飽滿，第三美就係一把秀髮喇！玲美憑住呢把長髮成為時尚雜誌《Popteen》嘅美髮模特兒。當然，由於玲美身材樣貌俱佳，好快就成為寫真界嘅寵兒，上年參加「日本Telegenic 2015」選美活動，仲成功擊敗眾多對手出線。
《戀愛玲美》就係阿妹首隻寫真DVD，當中玲美會將其迷人眼神、長黑秀髮以及豐滿上圍三大優點盡情發揮，配上酥胸半露嘅性感服飾以及甜美笑容，令片段中每個畫面都咁吸引，寫真界好在有玲美呀！
碟名：《戀愛玲美》
收錄時間：90分鐘
售價：約HK$264
撰文：賢