YouTuber有幾好搵，10月中福布斯都講你知啦，一位瑞典「毒男」Felix Kjellberg，網名PewDiePie憑打機拍片，成功以1,200萬美元（約9,360萬港元）成為全球年度最高收入YouTuber，人哋不但搵到大錢，仲自爆因打機識到意大利索女友，恨死一眾毒男，睇怕一啲自以為努力上進嘅公司高層、年輕才俊都要重新諗諗人生係乜囉！之不過呢啲機會唔屬於你同我，首先係冇人哋打機咁叻，又冇人哋咁真心，可以認真回答每一個留言，所以以為打機就可以做YouTuber賺廣告費過活，可能仲衰過最低工資，不過唔好心灰噃，所謂天生我材必有用，打機唔叻咪打J囉，試問世上邊個男人唔鹹濕，如果你都自認鹹濕，做四仔Gifer唔會差得過YouTuber o架！
早前美國有成人新聞網發現坊間好多人製作四仔GIF檔，市場忽然出現一堆GIF-maker，透過短短2至4秒嘅四仔精華相，成功令人逗留網上，重複又重複咁睇真啲，有啲更連續將多輯GIF圖變成近乎完整四仔添！
新聞網搵咗位網名叫KinkyMarie嘅GIF-maker訪問，佢係一名女性，原名Marie Chantal，自稱由細到大非常鍾意睇四仔，但只限動作場面，為咗自己開心又可以同人「些牙」，於是就不停製作四仔GIF，無心插柳下社交網坐擁50,000個Followers喇！之前就話為興趣，但今日變成事業，更稱自己係全職「The Gifer」，專替Girlsway及Blacked片廠推出嘅四仔製作GIF圖吸引四仔迷，Click入去就會自動彈去官方網站，咁廣告費阿妹就袋袋平安喇，嗱，鹹濕唔使人教，GIF檔又咁易整，巴打你無藉口喇啩？
撰文：祖