超鹹濕龍友

靚女相片係男人都鍾意睇，而性感索女相片更係男人至愛，若然係露埋三點嘅話，真係不得了！日本成人遊戲商「裸足少女」就以男人呢種心態，作為創作十八禁遊戲《愛情需要光暈》嘅基礎，實行將影相同埋曳曳成為男人努力嘅原動力。雖然呢個構思好似好正，但究竟點樣將兩者糅合埋一齊呢？大家只要睇過佢嘅故事就明白晒。

話說男主角一之瀨薰係攝影部嘅可愛系男孩，為咗可以喺攝影比賽中勝出，佢打算以戀人作為攝影題材，以符合攝影比賽「男生之本色，女生之本真」嘅主題。起初佢讓戀人進行咗各種各樣嘅Cosplay，但始終拍唔到理想嘅效果，正當佢陷入苦惱之際，攝影顧問庄內未春提議「只要拍自己最想拍嘅嘢，自然可以拍到理想作品」。薰聞言即刻開竅，皆因極度鹹濕嘅佢，最想影就係情侶曳曳嘅場面，喺邪念驅使下，要求情侶喺佢面前曳曳！究竟佢呢種咁出位嘅行為，同埋咁火爆嘅題材，最終能唔能夠贏得冠軍呢？

開發商：裸足少女