日本畫家之間嘅競爭相當激烈，故此唔係好多人一出道就可以從事到漫畫工作。不過只要有恒心，乜都可以成真，好似由插畫家出身嘅浣熊就係一個好例子，而今次介紹嘅呢本《蜜桃色的乳汁》正係其處女成人漫畫單行本作品。
以創作同人漫畫出道嘅日本漫畫家浣熊，雖然立心向漫畫界進軍，但係佢最初投身呢個行業時，卻係以插畫家身份示人。早喺2000年開始，佢就為商業產品設計插畫，同年推出首本個人畫冊《LoveCall》，其後又推出畫冊《2×4同一屋簷下》、《秘密的關係》、《ToHeart2動畫化紀念冊》等作品。憑住出色嘅畫功，喺插畫界頗具名氣。與此同時，佢又為眾多十八禁電腦遊戲，如《東京戀愛探偵》、《Sweetheart Swimmer》、《MagusTale》等設計角色，並且為輕小說繪畫插圖。
講到呢度，可能大家會覺得既然佢喺插畫界咁出名，點解又會推出成人作品呢？原來早喺2002年時，佢就開始創作十八禁漫畫，並推出處女作《狩獵翔太》，但故事性一啲都唔強，其後佢主攻創作成人小說，慢慢累積經驗後，令佢寫故事嘅功力提升唔少。之後佢創作嘅成漫作品，不但畫功細膩，故事亦變得很有趣，主題更係多元化。及至2004年，佢開始喺成人漫畫月刊《COMIC MEGAPLUS》、《COMIC P Flirt》、《COMIC POTPOURRI CLUB》等連載作品。經過多年歷練，喺2011年創作出多套成人漫畫代表作，分別有《早晨巨乳鍋2》、《超EROVE小姐》、《公主的結婚前夜》、《舞姬無雙》等，奠定佢喺成人漫畫界嘅地位。
《蜜桃色的乳汁》作為佢嘅處女單行本作品，收錄咗9個分別喺《COMIC MEGAPLUS》同《COMIC P Flirt》上刊載過嘅作品，而呢本作品一推出即被評為「出道以嚟粉絲超期待」之作！當中嘅故事分別有《小心發燒！！》、《真帆姐強行夜襲》、《忍耐不住了！》、《看看我吧！》、《因為人家喜歡你嘛》、《最喜歡你》、《愛上這個反常的我》、《有愛就沒有問題》同《公主陛下的嫁妝》，每個故事都有一個共通點，就係以愛情為主題，加上汁液橫飛嘅畫面，構成濕度極重嘅成人作品。
講到最令人印象深刻嘅故事，就要數《小心發燒！！》同《公主陛下的嫁妝》。前者講述男主角田上所住公寓嘅房東太太，原來有個年輕貌美嘅巨乳女兒早苗，而早苗因為同住公寓關係，故此經常照顧田上嘅起居生活。有晚田上因為感冒，早苗買藥畀佢，順便煮埋飯。喺藥物嘅影響下，田上對早苗上下其手，結果兩人就從廚房一直激戰到睡房。到咗第二日，田上瞓醒時以為尋晚只不過係一場春夢，點知瞓喺佢身邊嘅早苗笑稱，尋晚田上向佢求婚，而佢不但應承咗，兼且話埋畀母親知，呢次田上都唔知點收科！
至於《公主陛下的嫁妝》 則係一個奇幻嘅題材，故事發生喺一個叫做「布羅卜丁奈格國」嘅巨人族國家，巨人身高係一般人嘅12倍，而只得一般身高嘅男主角豆助係第一王女伊娃嘅貼人侍從。伊娃擔心成婚後唔識得曳曳，於是搵豆助幫佢體驗人生初次性愛。須知道豆助相對巨人伊娃嚟講只不過得嗰幾吋高，莫講話曳曳，做前戲都有難度啦！但豆助一於少理，以身體化作性愛機器，強力衝擊伊娃嘅水簾洞，令伊娃噴發出大量潮水，至於豆助最終能否逃過水災，就要留待大家慢慢睇喇！
作者：浣熊
出版：Max
頁數：179頁
撰文：魂