能夠推出單行本作品，係唔少成漫家嘅目標之一，皆因不但係實力嘅象徵，更可證明自己嘅人氣，之不過係咪有人氣嘅漫畫家就一定要搶住推出單行本呢？三國瑞貴就話畀大家知係未必嘅，佢雖然深受成漫迷歡迎，但係出道咗一段日子先至推出處女單行本作品《坦率我辦不到啦！》，當中同人氣嘅高低一啲關係都冇。
早喺2010年出道嘅三國瑞貴，並非一開始就投身成漫界，而係以同人漫畫家嘅身份，活躍於同人漫畫圈IV VA SHIN。此外，佢又以商業漫畫家嘅身份，經常為商業作品進行繪畫工作。對於前者佢相當享受，只係講到後者時，佢表示由於出道以嚟從事咗頗長嘅商業工作關係，令佢嘅插圖同漫畫技巧有退步嘅迹象，因而令自己相當汗顏。當然，只不過係佢謙虛而已，及後投身成漫界，其作品大獲好評。
以成人漫畫月刊《Wani Magazine》同《COMIC快樂天 Beast》為基地嘅佢，先後推出過《Encounter》、《Transform》、《防衞的心》、《我女友的朋友》等多個受歡迎作品，人氣冒起之快，令佢被稱為新一代實力成漫家。講到其作品風格，就係出色嘅陰影技巧，為咗令平面嘅角色睇起嚟更加立體，陰影技巧絕對唔可以馬虎。話雖如此，但唔係好多成漫家能夠做到呢點，而三國瑞貴嘅畫作立體感十足，令人睇得更加投入。此外，佢又喜愛用粗悍嘅線條嚟表現狂野床戰嘅速度感，令曳曳部分睇起嚟更有電影感。自佢出道以嚟，唔少粉絲都希望佢推出單行本，好讓佢哋能夠收藏作品，可惜一直只聞樓梯響，直至上年12月底，三國瑞貴終於推出處女單行本《坦率我辦不到啦！》，真係皇天不負有心人。
喺三國瑞貴呢本處女單行本中，共收錄咗13個曾經喺《COMIC快樂天 Beast》上發表過嘅作品，當中分別為《坦率我辦不到啦！～家教第34日～》、《坦率我辦不到啦！～家教第67日～》、《男人婆矯正作戰》 、《內心與肉體》、《冰之花》、《EXP（Experience）！》、《Re‧Start》、《交叉互換》、《AV Heart》、《特殊看護科》、《兩人的記憶》、《來自隔籬屋的鄰居》以及《讓你洗心革面！》等。喺眾多嘅故事中，揀兩個必睇單元嘅話，就要數《男人婆矯正作戰》同埋《EXP（Experience）！》。《男人婆矯正作戰》中嘅女主角伊勢川沙羅樣貌可愛，身材玲瓏浮凸，性格卻粗魯似個男人，兼且擁有一身蠻力，因而被上司警告如果再唔收斂行為，就會將佢辭退。佢聽聞曳曳後嘅女人行為會變得女性化，於是決定搵青梅竹馬嘅靖哥交歡，點知靖哥面對粗魯嘅沙羅提唔起性趣，究竟沙羅最終能否如願呢？
另一個古仔《EXP（Experience）！》女主角和田雪枝嘅男友結人係個不舉男，每次曳曳時做足前奏，都總係硬唔起。雪枝懷疑其實係同自己前奏功夫做得唔好有關，於是拜託男性好友和希大山作為前奏技巧嘅練習對象。大山聽到後即時嚇咗一跳，一入到房雪枝便主動出擊，並要求對方喺自己表現得唔好時即刻畀意見。大山發覺雪枝嘅技巧一啲問題都冇，仲相當厲害，被燃起慾火嘅大山，跟住同雪枝瘋狂交鋒，而喺現場偷偷觀戰嘅結人竟然抬起頭！唔通呢個正正係喚起結人雄風嘅最好方法？
作者：三國瑞貴
出版：Wani Magazine
頁數：212頁
撰文：魂