男人去梳乎最頭痕係乜？一係銀両，二係體力，前者要有財力先有得玩，後者就要精力充沛至得。如果餐餐都多甜多肉多油，日日做到嘔兼冇做運動，喺咁嘅情況下仲要夜夜床震，就算有個靚女瞓喺隔籬都會有心無力。所以話，想曳曳必先要有錢同體力先得。
最近內地出現唔少伴遊服務網站，表面上提供高質一對一伴遊服務，實質隱藏性交易。問題就喺度，點解呢樣嘢禁咗咁多年都仍然有呢？單係供求關係並唔能夠解答呢個問題，如果要深入啲睇嘅話，係因為呢種服務好難搜證，除非有關方面放蛇，喺斷正嘅情況下，囡囡先至走唔甩。否則囡囡推搪一句：「我哋係情侶關係。」或者聲稱一啲性關係都冇，你真係吹佢唔脹。話說回來，以前呢啲伴遊網站嘅宣傳句語都唔敢咁明目張膽，但係家陣啲留言卻係相當露骨，有囡囡表示：「一個有着天使臉孔和魔鬼身材的女孩……只做高端，一千兩千就不用找我了。」有啲囡囡更加坦白：「小妹最近急用錢，做伴遊籌錢，其他服務加QQ微信詳談」。講得咁明，唔通佢哋真係唔怕！
玩家愛上咗夜場囡囡，呢種行為我哋稱之為沉船，而喺唔少人眼中，囡囡遇着沉船客理應有咁實箍咁實，以求博得長期飯票，不過現實中卻並非如此。話說台灣桃園有位姓王嘅男士，聲稱愛上咗一位色情按摩店嘅孟姓技師，並且多次去到按摩店兼點名孟女服務。本嚟有個長期熟客，對囡囡嚟講係好事，點知王男指孟女對佢日漸冷淡，其後甚至唔接佢嘅柯打。結果一個下晝，王男暗藏刀仔同錘仔去到按摩店，先將喺包廂內服務佢嘅林姓技師用錘仔打傷，跟住再用錘仔同刀仔襲擊孟女，就連一位姓萬嘅男玩家亦遭受襲擊。王男被捕後表示因愛成恨，而孟女卻表示唔覺得男方對自己有好感。究竟呢單沉船羅生門，係好似王男所講咁因愛成恨，定係佢自作多情，真係只有佢自己先至知道。
去食飯最緊要係抵食夾大件兼且要好食，去玩亦係一樣。面對經濟不景氣嘅日本風俗業，有人推出超平食好嘢嘅服務，吸引玩家捧場。呢間位於涉谷叫「閃耀」嘅手作風俗店，風俗孃嘅質素同貴價豪華場一樣，皆因呢班風俗孃全部都係出身於高尚夜場，至於佢哋嘅收費為60分鐘盛惠22,680日圓（約1,474港元）。嫌貴？你知唔知啲貴價場收費要幾多？同一個服務時間嘅收費起碼貴3倍！最重要嘅係呢個係全包價，換言之唔使再加錢，確實係明碼實價，唔似得一啲表面上幾百蚊港元收費嘅風俗店，埋單時卻另收指名費、雜費及服務費等。此外，佢哋嘅網站更係做得相當出色，不但搵嚟專業攝影師影相，玩家報告稱風俗孃嘅改圖值並唔高，真人同相有9成似，難怪服務推出後，吸引到一班玩家捧場。
撰文：魂