人體不同地方雖然敏感度不同，但係透過觸摸總係會有感覺，調查就發現唔少女性都鍾意喺床上被男方撫摸胸部。情趣用品喺外國相當盛行，不過事實上又係咪真係有咁多夫妻玩玩具嚟增加閨房情趣呢？男人背妻偷食可以話係逢場作興，但對女人嚟講絕對係大忌，而老婆究竟從咩蛛絲馬迹發現老公偷食呢？
男人喺美色當前嘅時候，思想就會由大腦轉移到命根兒，全憑自己嘅慾望行事。咁又唔出奇，因為好多女人都話上床嘅時候，男方好多時只係忙於進行活塞運動，其他動作一一欠奉，咁樣完全係忽略咗女方嘅感受，同時令女方得唔到充足快感，即使持久力驚人都係咁話。激烈嘅活塞動作其實唔足夠令女方滿足，咁應該要點做呢？美國一個調查發現，受訪嘅女士當中有34%表示最鍾意被男方撫摸乳房同乳頭，能夠為佢哋帶來最舒適及最具快感嘅享受。其次有28%女士鍾意被對方錫條頸，其實頸都係一個相當敏感嘅部位。另外，有15%女士表示屁股係一個重要嘅敏感位，鍾意被對方充分撫摸一番，男士們做前戲時記住喇！
美國有好多情趣用品商，不過有調查顯示，美國人使用情趣用品嘅比率其實唔算高。早前一個美國安全套品牌就當地年輕男女嘅性生活習慣進行調查，訪問咗5,117位男女，年齡介乎18至34歲。首先問佢哋會唔會同伴侶一齊睇四仔，答會嘅只有26%，比率唔太高。至於佢哋又會唔會喺進行床戰嘅時候，出動情趣玩具嚟增加樂趣同刺激呢？有68%受訪者話唔會玩情趣玩具，換言之玩玩具嘅比率都幾低。諗諗吓都唔出奇，因為受訪者都係年輕一代，多數都會同年輕對手上床，新鮮感同刺激感比起中老年伴侶都高，唔使玩情趣玩具搞新意都係正常。
我絕對唔贊成男人結咗婚之後出去搞搞震，不過，偶爾要陪老闆去風月場所交際應酬一下亦在所難免，只要玩完之後識得返屋企，同埋唔好沉船就得喇。然而，好多男人卻係難敵小三誘惑，又或者同歡場女子保持關係，日本女性媒體《WooRis》就訪問咗200位已婚女性，當中有13%表示曾發現老公出軌。至於佢哋點樣揭發婚外情呢？有啲係從老公長時間外出而發現，有啲則係主動查看老公部手機，而大部分係從手機螢光幕出現嘅「POP UP」訊息而發現老公出軌。各位已婚男士如果未肯做個乖乖好老公，記住記住要好好管理部手機喇！
撰文：賢