Natalie Heart煩到剝清光

今時今日,想收埋自己,做個低調平凡嘅人都好難!美國妹Natalie Heart咪就係被迫做裸模囉!阿妹話當日只想做個普通平面Model過日子,奈何各界不厭其煩跪求佢剝清光,最後佢心軟應承除衫影寫真,以為滿足大眾就可以輕輕鬆鬆唔使再畀人煩,點知加入裸模行列後卻係另一個煩惱嘅開始!

白滑美腿

失敗咗想重頭嚟過就話正常,但成功上位後好想走回頭路,究竟點解呢?皆因成名後令阿妹更加煩腦,增加壓力,同埋冇咗自己喎!90後美國妹Natalie Heart,當裸模前係一名普通Model仔,而阿妹亦表示做一個普通Model已心滿意足,所以佢並冇學其他姊妹咁努力向上爬,純粹有工就開,舒舒服服過日子。但唔係你想平淡就得,現實總有好多麻煩友會推你向前行,Natalie每次拍攝硬照時,攝影師及台前幕後工作人員都覺得佢唔應該埋沒天賦本錢,勸佢要進取啲,剝光豬拍寫真,阿妹話起初聽到當吹水,但之後個個都向佢講同一番說話,經過深思熟慮後,佢叫攝影師安排試鏡,就係咁加入咗裸模行列。坦白講,Natalie副偈係咪正到非做裸模不可,見仁見智,但綜觀今日裸模界有佢咁長身嘅囡囡的確唔多,身高5呎9吋嘅Natalie,擁有一對40多吋修長美腿,實在引人入「性」,難怪阿妹每輯寫真嘅焦點都集中喺雙腿上,白滑無瑕,滑溜到冇朋友,正!

渴望自由

入行之後,Natalie一心只想做個普通裸模仔,都唔知話佢天真定扮傻好,做得裸模就梗係想爆紅啦,有得剝最好24小時全裸添!而Natalie憑住長腿令人氣愈嚟愈高,工作量亦愈嚟愈多,錢一定賺到,但隨之而來係令佢有更多煩惱。Natalie話非正式統計過去一年每月至少要招呼十間八間傳媒做訪問,而每次問答來來去去都係嗰幾條,例如點解入行、幾時入行、剝衫後人生有冇轉變,以及親朋戚友點睇等。Natalie坦言成名後比冇人認識仲要煩,另一方面經理人知佢受歡迎,要求佢開設社交網及個人網站同粉絲互動,但Natalie堅持以「引退」為由拒絕,因此大家想睇Natalie嘅演出必定要喺收費網站,唔使旨意可以喺社交網了解佢更多。

Natalie表示工作冇壓力,反而面對合作嘅人令佢感到好大壓力,假如可以返轉頭,阿妹話肯定唔會選擇做裸模,雖然家陣名利雙收,但卻無時間去享受生活,回想當日做個普通平面Model無人識,即使坐喺街邊都自由自在。Natalie明白一日剝清光,一世留名,因此佢諗通咗,極速搵夠錢就上岸重新生活,將來各界唔會再喺幕前見到佢。Natalie妹事先張揚引退,莫非佢真係唔憂做?

精彩推介

簡介: 想喺社交網或個人網站同阿妹吹水,好難喇!向來討厭被人煩嘅Natalie,要睇佢寫真除非你係佢另一半,否則一定要畀錢入會啦!好在呢個網站集齊阿妹過去嘅寫真,仲有阿妹未來動向及網上討論區連結,叫做幫巴打止吓咳咁啦!

網址: www.babepedia.com/babe/Natalie_Heart

Natalie Heart's Profile

出生日期:1994年2月16日

三圍:34B-26-32

身高:5呎9吋

撰文:祖