以前模特兒畀人嘅印象只不過係人肉衣架，依家就唔同嘞，唔少Model都走入演藝界，不過講到有樣又有演技嘅，究竟有幾多人呢？而今次為大家介紹嘅張冬，正係一個既有樣貌又有身材，兼且演技出色嘅內地模特兒喇！
今年26歲嚟自北京嘅張冬，先後以Doris同Dodoo作為藝名，佢不但擁有清純氣質同埋標致嘅五官，更兼備玲瓏浮凸嘅火辣胴體。向來走冷艷形象嘅佢，一啲都唔會吝嗇自己嘅美好身材，大方地以性感造型示人，自佢出道以嚟，先後拍攝過超極限睡衣照、浴室半透濕身、真空催動雙子峰等噴血寫真。相信大家唔使估，都知道如此性感迷人嘅索模，一定好快會喺網絡上走紅。張冬除咗推出寫真集外，亦有為時裝及潮流雜誌拍攝硬照，仲有參與各種時裝騷等，阿妹獲得咁多演出機會，證明咗一件事，就係佢冷艷嘅外形加上火辣嘅味道，深深吸引大家嘅目光。須知道如果一位模特兒唔可以做到呢點，試問又點可以令大家留意到佢所宣傳嘅產品呢？因此作為一位專業Model，張冬絕對做到有餘。
除咗做模特兒，張冬亦係一位演員，而佢並非好似其他模特兒咁半途出家，或者只係修讀過短期嘅演技課程，就稱自己練出好演技。阿妹早於2007年喺北京電影學院修讀表演系，喺演技上受過專業培訓，名副其實贏在起跑線上，佢先後演出過多套電影、電視劇以及舞台劇，當中參演話劇最多。此外，亦有參演多套微電影及網絡短篇作品，仲有喺電視節目中亮相添！大家咪以為佢喺影視作品中，只係飾演一啲路人甲乙丙嘅角色，事實上佢所飾演嘅角色都係有名有姓兼有得發揮演技，由於佢表現出色，獲得唔少導演賞識，難怪長拍長有。如果大家有留意佢演出話劇嘅話，更加可以肯定佢嘅實力，須知道舞台劇係現場演出，冇得NG，好考演員嘅演技，稍有差錯都會畀觀眾柴台，甚至立即畀導演叮走，所以話阿妹絕對係一位樣貌身材演技兼備嘅索女 。
簡介： 只要大家睇到張冬嘅寫真，就知道佢嘅外形有幾咁迷人，加上冷艷嘅氣質更係充滿無比吸引力，難怪自佢投身模特兒行列後，即時引起大家嘅注目。當然，佢嘅演技亦值得一讚。如果大家想知道佢最新動向嘅話，可以去佢嘅個人微博上留意一下。
網址：www.weibo.com/doodong
出生地：北京
身高：165cm
三圍：33、24、35
撰文：魂