DP（Double Penetration）又即「雙棍齊爆」唔係每個男人都鍾意，但呢個DP你就一定想睇，因為係四仔大廠Digital Playground一年一度嘅大型淫亂活動DP Star選舉，廿幾個脫星床上鬥淫爭奪冠軍寶座，舊年冠軍Eva Lovia砌低所有對手「性」出，即刻紅到核爆，踏入11月「DP Star 2」正式開始，睇吓邊幾個係大熱門啦！
「DP Star」可以話係脫星真人騷，每星期由多位登場喺床上瘋狂執劑，由節目開始有廿幾個脫星一直淘汰到得番10個，繼續火併到最後3強爭冠軍，而舊年第一屆，就喺年初嘅AVN四仔頒獎禮當日順道頒獎，雖然選舉勁商業化，但講到尾囡囡確實又索又正，瞓晒身演出，精彩過睇四仔，巴打有讚無彈囉！咪以為脫星搏晒命砌，獎金獎品一定好豐富噃，查實「曳」到冇朋友，根據官方網站顯示，DP Star冠軍係零獎金及獎品，只會得到一年獨家合約、擔正演出DP四仔兩部，以及推出品牌Fleshlight個人倒模J杯，坦白講，「打生打死」比起拍一套片酬仲要低，點解仲咁搏？完全係因為有大廠力撐囉！
以上屆冠軍Eva Lovia所見，無論巴打登入DP官網、Twitter、facebook或Instagram等任何社交網，頭版大相必係Eva Lovia嘜頭，曝光率之高比現役脫星仲要多，出現率咁高，其他成人娛樂機構自然會向阿妹埋手。嗱，好似早前PornHub咪搞個「射脫星上太空執劑計劃」，依家喺籌旗網Indiegogo集資，女主角咪係Eva Lovia囉！
可惜嘅係DP Star係由四仔廠Digital Playground舉辦嘅真人騷，咁即係話要睇就要係網站收費會員，並非人人可以受惠，換句話會員先有權投票囉！而我哋呢啲唔捨得畀錢又鹹濕嘅，惟有喺賽後免費色情短片網PornHub等睇重溫，雖然係遲，但唔使錢有得睇，仲有乜嘢好要求先？
第二季開始咗喇，每星期都會有新片派街，而淘汰賽有乜玩？玩幾耐？暫時未有公布，但相信會學舊年咁，一直玩到2016年初AVN頒獎禮當日公布冠軍！另外，官網已有齊參賽囡囡資料，第一個當然係Eva Lovia啦，至於其他大熱門，包括有辣到爆嘅Abigail Mac、Darcie Dolce及Maddy O'Reiley，至於新女都唔執輸，「華爾街脫星」Veronica Vain、超嫩滑嘅Addison Ryder及甜到震嘅Jojo Kiss，以上介紹嘅都係今屆大熱門。雖然未有新片睇，但Eva Lovia已為DP Star造勢，早前阿妹接受成人新聞網訪問，大爆既係第二季主持亦係參賽者，之前更連續喪爆五日先拍得晒第一階段賽事，差啲連床都落唔到喎，每位參賽者都有血有汗，希望巴打多多支持喎！
Digital Playground呢個名喺美國無人不識，2006年時更被路透社形容為美國色情片行業最具實力公司之一，但有冇留意到，DP呢個名同色情完全冇關係，亦挑唔起巴打性慾，原來公司喺1993年成立，當時係製作成人電腦遊戲，及後四仔逐漸由地下變成合法，老闆Ali Joone決定大舉進軍色情電影行業，成為今日人所共知大廠之一。至於Joone更多才多藝，為人超級低調，喺Google永遠搵唔到佢嘅相，本身喺南加州大學電影藝術學院畢業（USC School of Cinematic Arts），既係專業攝影師、導演、製片、創作總監及行政總裁，百足咁多爪，25歲就成立DP，依家身家過億美元，仲敢話鹹濕冇出色？之不過最多人談論係佢同Jesse Jane嘅關係，話說一直係DP大家姐嘅佢，深得老闆疼錫，更喺2011年合資開Tequila烈酒品牌「Diosa Spirits」，只可惜自Jesse過檔Jules Jordan後，聽聞兩個人反晒面，唔知酒牌有冇拆股呢？