清水美里挺巨胸起飛

打工仔幾時都望事業有起飛之日,之不過時也命也,個人有實力都要外在因素配合先得。好似近期人氣急升嘅清水美里咁,實力超強,早前就因為與事務所有合約糾紛,令事業出現阻滯。

雪白水晶球

成日聽人講做人千祈唔好只係識得隨波逐流,小弟覺得說話只係啱咗一半,只顧跟住潮流而走,人睇乜你睇乜當然唔好,但係隨波卻係正確,男人都愛睇波嘛!有一流好波唔欣賞咪對自己唔住?好似日本寫真界近期人氣高企嘅今野杏南咁,又靚女又好波,唔睇佢嘅寫真就真係唔識貨。仲有一個實力拍得住今野杏南嘅女優,佢就係清水美里喇。

今年23歲嘅美里本身已經屬於絕色美女,隨住人氣上升而變得特別明艷照人,綺麗夾醒神,艷壓群芳又夠甜美嘅感覺正正同今野杏南一樣。兩女相似嘅地方仲有激凸身材,美里皮白肉嫩肌膚質素之高實屬罕見,加上35-23-34葫蘆身形,以及胸前一對脹卜卜嘅G Cup白滑剔透水晶球,天下間若然有男人話唔鍾意美里,呢個好有可能唔係地球人。

回歸再戰

美里於2012年出道拍寫真,入行前佢喺日本大學演藝策略系主攻電影專業表演路線,對於點樣發揮演技及展露美態可謂瞭如指掌,再加上美里本身樣靚身材正,拍出嚟嘅寫真集都分外誘人,難怪獲得非常理想嘅銷售成績,喺網購網站亞馬遜更創出連續6隻寫真DVD成為銷售榜冠軍嘅驚人壯舉!

美里為自己嘅寫真事業創出光輝一頁,亦為所屬事務所帶來豐厚利潤。之不過,美里嘅寫真咁賣得卻令佢同事務所傾續約之事帶來阻滯,話說阿妹想取得更高報酬,但係事務所就企硬唔肯答應,令雙方一度陷入僵局,以致美里有一段日子零曝光,好似人間蒸發咁。後來美里等到合約完結後,就轉投另一間事務所効力,終於能夠重見天日,我哋一班寫真迷亦可以再次欣賞到美里嘅火辣胴體。除咗拍寫真,美里仲涉足舞台,最近主要喺梅田藝術劇場演出舞台劇《MOTHER~特攻之母》,大家去日本旅行不妨去捧吓場喇。

個人博客

簡介:清水美里最近專注舞台演出,喺佢嘅博客可以睇到阿妹於台前幕後嘅花絮,想了解美里嘅舞台生涯可以Click入去睇睇,當然仲有唔少性感靚相畀大家欣賞啦!

網址:http://ameblo.jp/shimizumisato35/

清水美里Profile

年齡:23歲

身高:5呎4吋

三圍:35G-23-34

撰文:賢