「島」物思淫 愛如潮湧

相信大家對島呢個字一啲都唔陌生,不過喺情慾字典中,島同Island並唔係解做海島咁簡單,事關佢仲有其他既香艷又肉光四射嘅解釋,隨時睇到大家心癢癢。諗唔到有邊個詞語或俚語會用到呢個字?唔緊要,依家即刻話畀大家知啦!

Thousand Island另類醬汁

「Thousand Island」喺情色俚語中,並唔係指千島之國菲律賓,而係千島醬英文「Thousand Island Dressing」嘅簡稱。佢本嚟係沙津醬汁,點解會同性愛扯上關係呢?原來所謂「Thousand Island」係指當男士「衝紅燈」(即係喺女性月事期間進行性行為)時,由於白汁同月經混合出一種橙橙哋色嘅混合物出嚟,睇落去有啲似千島醬,故此便引伸到用嚟形容男士「衝紅燈」呢種行為,或者係指一啲相當好色嘅男士,連紅燈都會照衝。例句:Alice and I did it last night. Although she was on her period, I don't mind making thousand island.(我同愛麗絲尋晚曳曳,雖然佢姨媽到,但係我一啲都唔介意衝紅燈。)

Trip To The Islands 後欄島行

如果各位玩家去美國尋歡作樂,當聽到囡囡問想唔想「Trip To The Islands」時,千祈咪以為佢想約你去海島玩,查實係指一種性愛玩法,走後門是也。原來呢句說話係美國妓女用嚟暗示暢遊後花園嘅暗語,之但係點解會有呢種講法?雖然冇一個權威性解釋,但有人指以前會稱臀部做Island,因此便有呢種講法。例句:I really want a trip to the islands and get my head. (我真係好想暢遊後花園同埋搵人幫我吹奏。)順帶一提,「Get Head」解做搵人幫自己吹奏,至於囡囡幫人吹奏嘅話,則係「Give Head」,大家千祈咪搞錯呀!

《Island Fever》 荒淫小島

好多人放假時都鍾意去海島玩,難怪連四仔亦有唔少同海島有關嘅作品,喺眾多作品中,以美國四仔片商Private喺2001年推出嘅《Island Fever》最受歡迎。搵嚟美國著名四仔導演Tom Herold執導,由人氣脫星Tera Patrick擔綱演出,加上Silvia Lancome、Soffia Gently、Maya Gold等激凸脫星合演,遠赴西班牙度假海島Ibiza拍攝。不惜工本嘅製作,目的係希望營造出荒淫小島嘅氣氛。咪以為呢套四仔只係一味床戰,其實佢分為2個單元故事,分別係一班拜金索女以肉體降服有錢佬,以獲得最大嘅回報;另一個係講述人妻炮製色情結婚周年紀念之旅,為咗滿足老公,出動兩位索女幫手。作品喺2002年舉行嘅第18屆AVN頒獎禮中,獲得最受歡迎出租四仔大獎,而Tera Patrick更憑此片榮獲最佳吹奏演出獎。

松島楓 義字當頭

作為一位AV迷,冇可能冇聽過松島楓嘅大名,呢位喺1982年11月17日喺日本福岡出生嘅AV女優,不但擁有靚樣同埋修長美腿,最重要係佢份人出晒名夠義氣。點解話佢有義氣呢?話說佢下海拍AV係為咗支持男友圓AV導演夢,於是瞓身力撐!而佢嘅AV處女作正係由男友執導。2003年佢轉會到Alice Japan,人氣愈嚟愈高。2007年佢因同男友鬧翻而宣布引退,而冇本心又冇良心男友隨即受到千夫所指!2008年10月阿妹宣布復出,並同S1簽約,推出復出作《松島楓復活》,2010年7月再次引退。到2013年2月25日阿妹喺博客宣布同男友X先生結婚,並表明唔會再復出。

撰文:魂