騎呢鳳姐

我們採訪鳳姐,很多時候都會遇到一些不知所措的場面,主要因為鳳姐個體戶不少,不止質素良莠不齊,更堪稱是品流複雜,有時,的確令人哭笑不得。「係呀,唔好講其他住,就講啲女嘅外表,有陣時打開門真係當堂嚇一跳,我見過最大年紀嘅姐姐,望埋去隨時年過60,塊面啲粉厚到不得了,最慘係個胸係大呀,但個肚腩喺件T恤底下唧晒出嚟,咁約好晒,唔通掉頭走咩?但真係同呢位姐姐做咗訪問,出街又點寫?介紹咗分分鐘畀讀者拆台,寫衰佢咩?又於理不合,訪問咗唔出街,一定畀個阿姐追到瘦……」這方面,跑鳳姐線的同事B絕對是專家。

「最後點解決?篇報道有出到,不過寫法就持平啲,唔好加鹽加醋囉。」年紀大的姐姐有,古靈精怪的鳳姐更是見怪不怪,「早兩個星期喺銅鑼灣同個姐姐做訪問,質素真係一般過一般,不過就索價480蚊,咁我梗係要問清楚佢有咩特別服務,又或者技能啦,點知佢諗都唔諗就答我話無,仲叫我自己諗吓點寫好,有生意就得,大姐,呢啲嘢點幫你揸主意呀?人客上到嚟冇得玩,我哋畀人插o架喎。」

撰文:黃韋龍