好多人都認為讀書好悶，其實呢個根本只係懶人用嚟避開學習嘅藉口。家陣好多書本都加入插圖，今日為大家介紹嘅情色工具書更加有好多「精彩」圖照供參考以及加強說明效果；另一方面，日本嘅寫真集更會隨書附送美妙樂曲，一邊聽一邊睇咁都仲話悶的話，相信閣下真係要飛去外太空尋找新意思喇！
日本水着女優好多都不甘寂寞，一有機會就會努力向外發展，唔會只係掛住着比堅尼賣肉，好以童顏巨乳掌門人篠崎愛出道多年，最近正式向樂壇進軍。篠崎愛樣子俏麗可愛，最令人注意嘅當然係佢胸前一對脹卜卜雪白大肉球，憑住童顏及巨乳，愛妹簡直可以話橫行日本水着界。今年愛妹依然不停推出寫真集同寫真DVD，用驕人雙峰滿足廣大粉絲，然而阿妹最希望就係成為歌星。愛妹最新嘅寫真集《光》，就收錄咗佢喺美國曼哈頓錄歌同練歌嘅過程，當中有好多相片都有佢工作以外，解放胴體嘅火辣性感照，養眼十足之餘，大家仲可以聽到愛妹嘅甜美歌聲，因為隨寫真集附送一組密碼，於特定網站輸入密碼之後，就可以聽到愛妹將於12月推出嘅大碟當中部分歌曲，一邊睇寫真集一邊聽住愛妹嘅歌聲，一定更加充分感受到篠崎妹嘅魅力所在。
書名：《光》
售價：約HK$115
男人總係希望能夠令女伴喺床上高潮迭起，而自己又能夠揮灑自如兼玩得暢快，只係呢啲係咪一種單純嘅性幻想呢？活躍於法國巴黎及意大利米蘭嘅性教育家貝特寧‧凡儂（Betony Vernon）嘅著作《閨房豪放聖經》中，就透過文字為大家闡述21世紀性慾嘅新觀點，指出男女甫進入閨房一刻，就應該放鬆情緒，並且放下包袱，包括個人價值觀、各種思想拘束，並以佢喺書中所介紹嘅各種鍛煉及思巧方法，將快感提升至極限。作為一個極具型格嘅設計師兼性學家，單純嘅文字又點可以滿足到大家嘅需要呢？為咗令大家提高閱讀及觀賞性，更搵嚟著名嘅時尚插畫家方尚華‧貝爾度（Francois Berthoud）負責插圖及攝影，呢本書不但可以增添閨房趣味，甚至可以當成藝術書咁欣賞。
書名：《閨房豪放聖經》
售價：約HK$90
撰文：賢、魂