時間匆匆過去，話咁快就過咗7年喇！7年前一代日本AV女神飯島愛不幸辭世，好多AV迷都深感傷痛。這7年來大家都好難忘懷兼年年傷痛，雖則係咁，小弟相信愛姐嘅巨星風采依然長留大家心中。當然經典嘅AV女神亦唔止愛姐一個，本欄更特別請來喺大中華地區都出晒名嘅AV評論專家一劍浣春秋講吓佢心中嘅AV女神！
喺過去7年，好多AV迷同小弟一樣都感到非常高興，原因係日本AV界湧現大量優質又好波嘅女優，當中包括現時小弟最支持嘅無敵尤物Julia。然而，高興還高興，優質嘅女優、優質嘅AV拍攝手法，以及嶄新題材雖能夠滿足我哋嘅慾望，之但係我哋嘅心靈卻有所欠缺，因為AV界自從失去咗一個永遠女神之後，AV界光華頓變暗淡，我所講嘅女神就係喺2008年因肺炎離世嘅飯島愛喇！愛姐嘅離去令廣大AV迷相當心痛，而為咗畀機會大家抒發思念，愛姐嘅父母迄今依然管理緊愛姐嘅博客，截至現時，博客依然有好多粉絲留言，留言數量累積到七萬一千多條，可見呢位AV女神幾咁經典，幾咁令人懷念。之不過，愛姐嘅父母早前就宣告因為年事已高，故決定忍痛喺10月31日，即係明日，又即係愛姐嘅生日正式停止博客營運。
飯島愛博客即將結束嘅消息引起好多粉絲討論，亦吸引更加多粉絲趁博客仲「健在」，趕住去留言向偶像表達最後心意，唔少留言嘅網友都表示飯島愛會永遠長存喺佢哋心入面，有人向天國嘅飯島愛問好，亦有人感謝愛姐雙親7年來付出時間同心機管理博客。女神飯島愛連被網友稱為劍大嘅台灣知名AV評論家一劍浣春秋亦推崇備至。劍大表示成為平成三姬之一嘅飯島愛地位超然於任何女優，除咗因為佢演出每每能夠打動AV迷，童年陰影、男友嘅背叛、曾經涉足風俗業界以及成功由AV界轉戰藝能界，最後喺自己屋企去世而無人過問都令飯島愛嘅一生充滿傳奇。不過，女神離我哋而去，後來者亦唔係話冇人能夠望其項背，現役女優當中，劍大就最欣賞吉澤明步，話佢剛出道時猶如溫室小花變成今日戰將級女優，其多汁且容易發汁嘅體質加上精湛演出，絕對有資格堪稱現役AV女神！
講到女神又點只得飯島愛同吉澤明步，日本AV達人宮地謙典就表示佢心目中排第一嘅二千年代AV女神就係來生光！出道於2001年嘅來生光，樣子甜美，據宮地謙典所講，最初來生光吸引到佢注意嘅地方，正係光妹同女星松田純生得非常相似。而來生光除咗樣子標致之外，巨乳級身材出於天然亦令宮地謙典相當喜歡。不過，宮地當年每次喺AV店見到來生光嘅出品都忍唔住要大破慳囊嘅原因，乃係來生光嘅吹奏表演淫到出汁，宮地話次次睇到其吹奏演出都要按暫停掣再細心欣賞一番。
見到日台雙方嘅AV達人都推介其AV女神，小弟阿賢都嚟個亂入，講吓我心目中嘅AV女神，佢就係及川奈央喇！及川奈央同來生光出道時間差不多，比起來生光，奈央面孔帶有更重嘅女人味，右邊鼻翼附近有粒肉痣成為其中一個標誌。屬於薄身巨乳型嘅奈央身材無可挑剔，更重要嘅係演技非凡，扮可憐真係賺人熱淚，扮癡女又狼胎過人。有人仲表揚佢係癡女系開山祖師，因為奈央淫起上嚟真係由骨子裏淫到出面。此外，至今仲有人提及嘅，係奈央當年拍三仔如日中天之際，居然突然會拍四仔，拍完四仔轉投藝能界，仲成為繼飯島愛之後喺藝能界發展得最順利嘅女優。
撰文：賢