全球首辦AVN萬性派對！

逾40位脫星

脫星哈囉喂年年有，有乜值得好講先？咁你就錯晒喇，事實每年都有所謂脫星×萬聖節派對，不過係得嗰一兩隻星去夜場，化個妝、跳場舞咁就叫做派對囉，咁如果超過40位現役一線脫星齊發夜場，化行妝攞齊道具同現場朋友狂歡一晚，咁你又有冇興趣先？

有，入場費亦只不過200美元（約1,560港元），相信不少巴打都覺得，其實貴主題公園唔多，問題係冇假囉！啱呀，更慘係今次係AVN首次發起嘅萬性節脫星派對，喺拉斯維加斯一間叫Artisan Boutique Hotel夜場內舉行，10月30及31日一連兩晚，由晚上10點喪玩到凌晨4點，官方仲話，購買VIP門票嘅仲可以喺包廂房內同性感Dancers、四仔導演，以至脫星狂歡暢飲，但代價係人頭費2,000美元（約15,600港元）囉！

零距離接觸

口講無憑，所以官方為今次派對特設網站avnhalloween.com，站內已清晰交代所有收費細節及派對內容，當然最多人關注係脫星陣容及裝扮啦！巴打唔使擔心，夠膽講句，脫星班底勁過年終頒獎禮，大家姐Jessica Drake、爆奶中女Romi Rain、勁錫身嘅Sarah Peach、淫到出汁嘅Ashley Fires等，以上邊個唔識你都抵打啦，仲有係全部囡囡早已設定造型，拍埋大頭寫真畀全球網民過目，衣着嚇鬼得嚟又Sexy，去唔到超揼心，希望大會會製成DVD就好喇！而傳媒都話，首屆AVN Halloween Porn Star Party比起去年年終頒獎禮仲要興奮，事關可零距離同咁多脫星玩，簡直係男人終極夢想呀！

當然，派對分收費級別就肯定無人人平等啦，兩舊水美金嗰批只係基本入場，可遠距離望到台上脫星表演，中間450美元嘅就可直入Open Bar飲酒，入房睇魔鬼脫衣舞，更可以參加主要派對，至於2,000美元就巴閉囉，先出席脫星Cocktail熱身派對，跟住再同脫星齊進餐，喺所有派對房穿梭，兼保證有過百性感女郎陪你癲，而最貴嗰隻仲有埋酒店房過你住，係咪未出發先興奮呢？

Hell in the Armory嚇到腳軟

嫌AVN Halloween太娛樂性唔夠驚嚇咩？咁不如去Kink.com舉辦嘅Hell In The Armory包你嚇到腳都軟，事關佢係一個玩戀物癖性虐萬聖節派對，被美國傳媒喻為唯一一個全年唔可以錯過嘅派對，多年來全球吸引超過9,000人次參加，同樣喺拉斯維加斯舉行，今年已係第20屆，官方話最古怪、最離譜、最淫穢嘅都會喺場內發生，除咗戀物Fashion騷、古代性虐表演，你估下高潮位係乜呢？

網址：www.hellinthearmory.com/

撰文：祖