美股超養眼

日本人氣動漫作品《百花繚亂 SAMURAI GIRLS》，不但以一眾化身性感美少女嘅日本戰國武將，令大家睇到眉飛色舞，而模型更憑住眾多女角色，真係出極都出唔完。好似呢個最新登場嘅模型，就係嚟自呢個作品嘅人氣角色之一後藤又兵衞。其實佢之所以人氣爆燈嘅原因一啲都唔難估，事關佢條好似丁字褲嘅超性感襠布下，不但露出養眼美股，修長美腿更係展露無遺，配合埋一對巨乳，試問有邊個唔畀佢吸引到呢？模型不但充分展現出佢呢啲天賦本錢，而佢拎住支巨型毛筆趷起美股嘅甫士，更將佢美股魔力提升至極限！