極上肉感 滿足爆發

豐腴激凸

呢位出道接近10年嘅成人漫畫家有馬侭，初時以同人誌漫畫家身份出道，直至2007年於成人漫畫月刊《COMIC RIN》（現已停刊）及《COMIC SIGMA》不定期連載成人漫畫。正如好多成人漫畫家一樣，喺佢涉足成人漫畫前，曾經喺青少年漫畫界發展，可惜反應唔理想，卻估唔到轉戰成人漫畫界後，命運就有極大改變。憑住佢筆下身材豐腴嘅漫畫女角色、極度好色嘅情慾反應同埋令人興奮嘅床上描繪，令佢火速成為人氣嘅成人漫畫家，喺2009年推出首本單行本作品《Pre-無知》，雖然只係收錄佢以前喺《COMIC SIGMA》刊登過嘅作品，但仍然備受追捧。由於佢工作繁重關係，故此產量愈嚟愈少，及至2013年先至有單行本作品《天然戀色酒精》問世，真係等到粉絲頸都長埋！縱然事隔多年，其作品仍然大受歡迎，此外可以見到佢嘅畫功更加細膩，女角色嘅車頭燈更加激凸，睇到人流晒口水。

回味溫柔

《天然戀色酒精》個書名咁特別，係咪同酒精有關呢？冇錯！據作者介紹，創作呢本作品嘅目的，係為咗讓男士喺酒醉嘅時候愈睇愈興奮，因此佢喺作品中冇太多嘅故事描寫，好快就進入汁液橫飛嘅情慾場面。全書共分為9個單元，合共6個唔同主題嘅故事，當中分別有講述喺浴室激戰嘅《Hot！再來啊！限定版》、同病人大玩角色扮演嘅《You Are Sick ! 》、酒吧情侶浪漫曳曳嘅《酒神巴克斯的禮物》、大姐姐與小正太情慾故事嘅《秘密花園》、潛入俏鄰居嘅《妄想扒手！》同埋故事最為溫馨又盪氣迴腸嘅《Honey Snow》。點解《Honey Snow》呢個故事最值得推介呢？故事講述男主角英治有晚返到屋企，發現有個巨乳女踎咗喺門口，對方竟然係3年冇見嘅雪乃！話說3年前一晚，雪乃同佢激情過後就音信全無，搞到英治留下極大遺憾。雪乃表示當年失蹤係因為追求到外國工作嘅夢想，唔想有感情負擔先至不辭而別！3年後再會，雪乃嘅身材變得更加誘人，尤其係胸前一對豪乳，令英治原始本能大爆發！經過幾次嘅床上交鋒後，兩人明白彼此再離唔開對方。雖然呢個故事係Happy Ending，但係英治對愛情嘅執着，以及雪乃為愛情而放棄夢想，當中細膩嘅情感係好少成人漫畫可以營造到出嚟。

名稱：《天然戀色酒精》

作者：有馬侭

出版：茜新社

頁數：192頁

撰文：魂