馬場富美香 大奶惡幹部

深長乳溝

雖然話沒有最好，只有更好，但係小弟認為日本水着迷最好嘅時代已經降臨，因為近年日本水着新人猶如雨後春筍，而用春筍形容佢哋亦極為貼切，事關呢班水着妹青春活潑，而且個個都美貌與身材兼備，認真係一等一嘅筍盤，好似高崎聖子、星名美津紀、柳優里菜、久松郁實等更係星味濃郁，絕對有潛質成為明日之星。除咗佢哋之外，今日為大家介紹嘅馬場富美香同樣係優質新勢力。今年20歲嘅富美香雙眼精靈有神，面圓圓充滿可愛又親切之感，笑起上嚟嬌美迷人，收起笑容時又顯得倔強硬朗，每每令人印象深刻。而最吸睛當然係阿妹嘅豐滿身材，一對34F美巨乳輕輕一夾就露出深長乳溝，配合5呎6吋身高，真係索到嘭嘭聲呀！

成功入屋

富美香喺就讀初中二年級嘅時候，被星探發掘做模特兒，主要拍攝《新潟美少女圖鑑》，後來同其他初中生組成孩子劇團Apricot，由於阿妹表現不俗，喺2014年參與演出電影《謎》，雖然只係飾演二打六角色，但係總算叫做拍過戲。後來

富美香獲得演出特攝劇集《幪面超人Drive》嘅機會，喺劇中佢扮演邪惡勢力當中負責醫療工作嘅女幹部，其惡形惡相嘅演出備受讚賞。雖然富美香憑住呢個角色成功入屋，但係佢坦言有啲唔開心，原因係角色造型令佢睇起上嚟成熟咗好多，浪費咗佢嘅青春氣息。雖然阿妹話自己唔想形象變得太成熟，但係其行為可能比好多年紀大過佢嘅女仔成熟得多，原因係富美香年滿二十之後就好鍾意飲酒，據佢所講，可以飲個不停，可能係受到同樣愛酒嘅父母傳遺喎。

個人博客

簡介：現時馬場富美香正積極為《幪面超人Drive》演出而努力，仲不時隨劇組四圍做宣傳，想知道近期富美香去邊度宣傳，可以Click上佢個微博睇吓。

網址：https://twitter.com/fuuumika_b

馬場富美香 Profile

年齡：20歲

身高：5呎6吋

三圍：34F-23-33

撰文：賢